Accessibility links

якшәмбе, 11 декабрь 2016, Казан вакыты 11:01

Rusiä AQŞ Däwlät Departamentı xisabına açulı reaksiä belderä


Rusiä parlamentı wäkilläre bügen AQŞ däwät departamentınıñ Rusiädäge keşe xoquqların torışın tänkitlägän häm Quşma Ştatlarnıñ 2006 yılda kürsätkän yärdäme tirında söylägän xisapnı, qabul itelmäslek, dip atadı. Federatsiä Şurası wäkilläre bügen bu xaqta fiker alıştı. Parlament wäkilläre, Quşma Ştatlarnı, yaqınlaşıp kilüçe parlament häm prezident saylawları çorında Rusiägä basım yasarğa tırışuda ğäyepläde. Federatiä Şurası wäkilläre tışqı eşlär ministrlığın, Rusiä bäysezlegen yaqlaw öçen, ğädättän tış çaralar kürergä çaqırdı.

Rusiä parlamentınıñ yuğarı pulatı, Federatsiä şurası, bügen Quşma Ştatlarnıñ “Keşe xoquqları häm demokratiägä teläktäşlek. AQŞ xisabı” digän dokumentqa qarşı qarar qabul itte. Parlamentnıñ tübän pulatı, Duma wäkilläre dä älege xisap mäsäläsendä fiker alıştı häm alar da şundyıraq rezolutsiä qabul itärgä ciyına. Federatsiä şurasında saqlanu häm iminlek komitetı başlığı Viktor Ozerov, qarar qabul itelgännän soñ bolay dide.

Bezneñ belderü ul amerikan yağın xäzerge Rusiäsädege säyäsi tormşınıñ üseşenä niçek bar şulay bäyä birergä çaqırubız. Alarğa üzlärenä, Quşma Ştatlarnıñ ni däräcädä keşe xoquqların häm demoktatiä printsipların saqlawın analizlaw qomaçaw itmäs ide.

Rusiä tışqı eşlär ministrı Aleksandr Yakovenko bolay belderde.

Däwlät departamentı xisabı säyäsiläşterlegän. Ul çınbarlıqnı bik az çağıldıra. Qızğanıça, Quşma Ştatlarnıñ tışqı säyäsätenä turı kilgän illärdä keşe xoquqları torışı uñay dip sürätlängän, ä AQŞ belän ber yunäleştä xäräkät itmägän illärdä, xällär tänqitlänä

Däwlät departamentı xisabında Rusiä demokratik il dip atalmıy. Anıñ qarawı, ilneñ köçle prezident xakimiäte häm köçsez säyäsi sistemı bar, dip äytelä. Anda däwlättän bäysez oyımalarnı, NGO-nı terkäw eşe tänqitlänä häm watandaşlar cämğitendä xäl tağı da naçarlandı, dip äytelä. Älege xisapta Quşma Ştatlarnıñ keşe xoquqları häm demokratiä ölkäsendäge säyäsäte dä bilgelänä. Quşma Ştalar irekle häm ğadel saylawlarğa, saylawlardä kontrol texnologiälär belän täemin itü, säyäsi firqälärne oyrätü kebek yärdäm küz aldında totıla. Dumanıñ ictimaği häm dini oyışmalar komitetı başlığı Sergey Popov, Quşma Ştatlarnıñ xisabın basım yasaw dip atadı.

Bez, bu keşe xoquqlarınıñ yuğarı standartların kertü ideyası digän sıltaw astında Quşma Ştatlarnıñ, saylawlar waqıtında Rusiägä qüätle itep basım yasarğa tırışuı, dip uylııbız

Quşma Ştatlarnıñ mart yında çıqan xisabında da, Rusiädäge keşe xoquqları torışı tänkidi töstä sürätlänä. Anda Çeçnä häm gomum Tönyaq Kavkazda keşe xoquqları bozıluı turında bäyän itelä, anda şulay uq korrupsiä, mäxkämägä bulğan säyäsi basım, häm däwlättän bäysez oyışmalarnıñ häm mäğlümat çaralarınıñ eşçänlege qısrıqlanuı turında süz bara. Rusiädä keşe xoquqların torışın häm irekleklärneñ bik az buluın kürstkän Freedom House oyışması xisabı da Rusiä mäğlümat çaralarında tänqitle reaksiä kiterep çığarğan ide.
XS
SM
MD
LG