Accessibility links

чәршәмбе, 7 декабрь 2016, Казан вакыты 11:38

Politkovskaya ülemenä ber yıl: ul nindi keşe ide?


Anna Politkovskayanıñ ülemennän soñ, Russiä prezidentı Vladimir Putin, “ul jurnalistlar häm xoquq yaqlawçılar arasında tanılğan ide, ämma anıñ Rusiäneñ säyäsi tormışına täesire yuq däräcäsendä ide”, dip belderde. Aña qädär, Federal İminlek xezmäteneñ cömğiät belän elemtä üzäge wäkile İlya Şabalkin da kisken belderü belän çıqtı. Ul “Anna Politkovskaya üzeneñ Çeçnägä säfärlären, qayber fondlar belän finans mäsälälären häm nizağların xäl itü öçen qullansı, digän belderü belän çıqtı. Bu ğäyepläwlär Anna Politkovskayanı yaxşı belğän keşelärneñ küñelen tırnıy.

Çeçnädä hälaq bulğan xärbineñ xatını Marina Kondratyeva Anna Politkovskayağa taşlanğan ğäyepläwlär belän kileşä almyı. Ul jurnalist xanım belänm Mäskäw uramında malayın bilgesez keşelär ğäripläp taşlağannan soñ, 2001 yılda tanışqan bulğan. “Cämğiät şul xätle korrupsiägä batqan häm şul xätle bozıq ki, çınlap äytik, burıçnı namuslı itep başqarıp bula dip, küplärneñ başına da kilmi. Anıñ jurnalist bularaq qına tügel, keşe bularaq ta namusı çista. Bezdä ictimaği üzañ yuq. Ul şuşı añnı kütärerğä tırışa ide.” – dide Marina Kandratyeva. Dağıstan keşese Movladi Soipov, Annanı Çeçnä belän çiktäş rayonanrda kürgän bulğan. Ul anı üzençälekle şäxes dip sanıy. Movladi Soipov : “Eş şunda ki, ul bu grantlarnı başqa yul belän dä ala ide. Bezneñ ildä grant alu awır tügel. Ämma grant alır öçen genä gomeren qurınıç astına kem quyar mikän? Ul başqalarğa oxşamağan keşe ide. Ul şulay tärbiälängän bulğan. Ul ğädelsezlekne, qanunsızlıqnı kürä almıy ide. Buldırğança bu küreneşlär belän, tormışların qızğğanmyı köräşte. Belä torıp üzen qurqınıçı astına quyarğa härkemneñ qıyulığı citmi.” –di.

Rusiä räsmiläre, ul mäqälälärendä çeçen yaqlı buldı, dip äytep kilde. Beslan xällärennän zıyan kürgän Ella Kesaeva bu fiker belän kileşmi.

Bolar barısı da döres tügel. Ul suğışçılarnı yaqlamadı, ul ayırm keşelärne yaqladı. Ul ber isemne alıp, anı oyränä ide. Ayırım keşeneñ facigasen tikşerä ide. Anıñ üzençälege şunda ide, ul üze bernindi näticälär çığarmıy ide, konkret itep yazıp birä ide. Näticäne bez üzebez, anıñ uquçıları yasıy idek. Miña qalsa, ul bernindi suğışçılarnı da yaqlamadı. Ul üz eşen ğadel itep, namuslı itep, çın jurnalistlarça başqarıp kilde. Çeçen xalqı öçen häm böten Kavkaz öçen bu bik zur yuğaltu. Ägär ul isän bulsa, ul ülgänçe tınıçlanmas ide, üz eşen däwam itär ide, anıñ süzläre, şil isäptän Beslan eşe mäsäläsendä mäğlümatları, ilneñ xäzerğe citäkçelärenä kilep qağılır ide.

Anna Politkovskayanıñ dönyağa qaraşları qayber jurnalistlarğa häm säyäsätçelärgä oşamıy ide. Ämma iñ awır waqıtta ul yärdäm qulın suzğan keşelär anı cılı süzlär belän iskä ala. Anti terror operatiäsennän soñ üterelgän Rusiä qaharmanı isemenä layıq bulğan xärbineñ xatını Marina Kondratyeva mäsälän, Anna Politkovskayanı qaraltqan süzlärneñ bernindi nigeze yuq dip sanawın äytte. Bikä Timerova
XS
SM
MD
LG