Accessibility links

чәршәмбе, 7 декабрь 2016, Казан вакыты 19:35

Tatarstan Däwlät Şurası räise Rusiä Federatsiä Şurasındağı wäqälätlärennän waz kiçte


Räsmi mäğlümat çaralarında çär

Räsmi mäğlümat çaralarında çärşämbe könne Mäskäwdä uzğan Federatsiä Şurası utırışında Tatarstan Däwlät Şurası räise Färit Möxämmätşinnıñ senator waqälätlären buşatuı turında xäbär itelde. Mäğlüm ki, yaña qanun buyınça, töbäk citäkçeläre Federatsiä Şurasında wäkilçelek itä almıylar. Yaña qanun buyınça Tatarstannıñ wäkile itep, Räfğat Altınbayev bilgelängän ide inde. Färit Möxämmätşin urınına wäkil Tatarstan Däwlät Şurası utırışında raslanırğa tieş. Menä şuşı aldan kötelgän räte-çiratı belän barğan waqiğa qayber säyäsi küzätüçelärneñ Tatarstan parlamentı Tatarstan Konstitutsiäse yazmışı turında farazlarnıñ köçäep kitüenä säbäp buldı. Yañadan Tatarstan parlamentınıñ federal' qanunnarnı bozıp saylanğan buluı turında xäzer anıñ yazmışın Rusiäneñ Konstitutsiä mäxkämäse menä-menä xäl itäçäge turında süzlär quyırdı. Menä şundıy ber keçkenä genä Rusiäneñ üz qanunnarı arasındağı qarşılıqnı xäl itkän Konstitutsiä mäxkämäse qararı da Tatarstan qanunnarına, Konstitutsiäsenä qarşı käyeflärne köçäytte. Pänceşämbe könne İrek mäydanına LDPR firqaseneñ Qazan bülege wäkilläre piketqa çıqtılar. Alar kütärep çıqqan şiğar'lärdä «Xäzer ük Tatarstan Konstitutsiäse üzgärtelergä, Rusiä Konstitutsiäsenä yaraqlaştırılırğa tieş» digän taläplär ide.
XS
SM
MD
LG