Qazanda, nixayät, Yaña yıl bäyrämnäre tämamlandı. İke atnadan artıq şähärgä bäyräm qıyäfäten birep torğan, qazanlılarnı, bigräk tä bala çağalarnı şatlandırğan, quandırğan çırşılar inde şähär mäydannarınnan alınıp bette diärlek. Şaqtıy tawşalğan, iskergän çırşılarnı çüpleklärgä iltep ataçaqlar, ä küpsanlı Qış babay, Qar qızları, törle canwarlar sınnarın ikençe Yaña yılğa qädär saqlaw urınnarına iltep tapşıraçaqlar. Härkem bäyrämnärgä näticä yasıy. Kem öçender alar tabış kitersä, kemder kürgän zıyanın sanıy. Mäsälän, şähär xaqimiäte xezmätkärläre süzlärenä qarağanda, bıyılğı bäyrämnär waqıtında çırşılarğa höcüm itü, alar yanındağı qorılmalarnı cimerü uzğan yıllarğa qarağanda azraq terkälgän. Läkin urman çibärkäyläre urnaşqan mäydannardağı çüp-çar yıldan-yıl kübäyä genä bara häm alarnı çistartu atna axırına qadär däwam itäçäk ikän.
Ä menä Tatarstannıñ ekologiä ministrlığı xäbärlärenä qarağanda, bıyıl respublikada çırşılarnı bik az urlağannar. Urman xucalığı xezmäkärläre bäyräm arasında barı tik 70 tiräse kiselgän çırşı ezlären genä tapqan. Läkin bu wäzğıätne tatarstanlılarnıñ tabiğätkä artqan mäxäbbäte belän tügel, ä zakonsız kiselgän ağaçlarğa zur aqçalata ştraflar tülätü häm qimmät bulmağan çırşılarnıñ bazarlarda bik küp buluı belän añlatu döresräk bulır, dip sanıylar respublikanıñ ekologiä ministrlıgında.
Ä menä Tatarstannıñ ekologiä ministrlığı xäbärlärenä qarağanda, bıyıl respublikada çırşılarnı bik az urlağannar. Urman xucalığı xezmäkärläre bäyräm arasında barı tik 70 tiräse kiselgän çırşı ezlären genä tapqan. Läkin bu wäzğıätne tatarstanlılarnıñ tabiğätkä artqan mäxäbbäte belän tügel, ä zakonsız kiselgän ağaçlarğa zur aqçalata ştraflar tülätü häm qimmät bulmağan çırşılarnıñ bazarlarda bik küp buluı belän añlatu döresräk bulır, dip sanıylar respublikanıñ ekologiä ministrlıgında.