Accessibility links

шимбә, 10 декабрь 2016, Казан вакыты 19:30

Rektor mäxqämädä yaqlaw taptı


Rektor mäxqämädä yaqlaw taptı

Uzğan yıl axırında Qazan däwlät pedagogiä universitetınıñ rektorı Rüzäl Yosıpov eş urınınnan azat itelgän ide. Bu xäbär älege uqu yortındağılarnı häm Rüzäl äfändene belgän keşelärne ğäcäpkä qaldırdı. Rusiäneñ mäğärif ministrlığı tarafınnan oyeştırılğan finans tikşerüwen Yosıpov döres dip tapmadı häm Mäskäwgä barıp, mäxqämä aşa däğwa belderde. 6 fevral'dä älege ministrlıqnıñ qararın mäxqämä ğämäldän çığardı. Şul uq könne ministrlıq Yosıpovnı eşkä qaytaru xaqında färman çığardı.

Şulay itep, Rüzäl äfände üzeneñ çista isemen aqladı. Äytergä kiräk, mondıy böten yaqtan qimmätkä töşkän abruynı torğızu, ğädättä, bik siräk bula torğan xäl. Oşbu ciñü universitet rektorına, berençe çiratta, moral' yaqtan bik zur teräk bulğandır. Bıyıl köz pedagogiä universitetında rektornı saylawlar uzaçaq. Kem belä, bälkem, mondıy borılış Rüzäl äfändeneñ yazmışında xälitkeç näticälärgä kiterer.
XS
SM
MD
LG