Pensioner-yurist Ğilmullinnıñ oşbu süzlärenä ayıruça iğtibar itüebez tikmägä genä tügel. Döres yaza ul. Häm anıñ kebek fikerläwçelär äle şaqtıydır. Läkin nişläpter, ber populyar mäqäl iskä töşä «Bulğanın saqlamıybız, yuğaltqaç — yılıybız». Äle qayçan ğına mädhiägä kümelgän Konstitutsiäbez östennän qayber millättäşlärebez, ike uylamıyça Rusiäneñ Konstitutsion mäxkämäsenä şiqäyätlär yazdılar. İkençeläre, respublika Konstitutsiäse, ğomumän suverenitet barı tik däwlät, xökümät citäkçelärenä genä östenlek birde, alarğa ğına xezmät itte dip, älege töp dokumentnı dömbäslädelär. Ğäcäp, ämma şul çaqta küplär däşmi tordılar. Mäydannar da gülämäde, protestlar da işetelmäde. İnde xäzer poezd kitkäç, berençe Konstitutsiäbezne yuğaltqaç, yılawçılar kürenä başladı.
Küzgä çalınğan ikençe ber närsä — yaraqlaştırılğan yaña Konstitutsiäneñ yabıq, serle şartlarda eşlänüe. Äyterseñ lä, süz atom qoralı, yäisä mäkärle şpion operatsiäse turında bara. Añlaşıla ki, Mäskäw täñgälläşterü protsessın tizlätergä quşqandır, qısalar quyğandır, ämma bit süz respublika xalıqnıñ yäşäyeşe qanunı turında bara. Yarıy, dokument referendumğa çığarılmadı, läkin tözätmälär kertüne açıqtan-açıq xalıqnıñ fikerenä tayanıp başqarıp bulmas ideme? Gärçä, baştaraq yuğarı dairälärdä şundıyraq fikerlär yañğırıy ide. Küräseñ, xalıq, cämäğätçelek fikeren ülçi torğan bizmännär modadan çığa başladı. Xäyer, ber-işe belgeçlär tatarstanlılar belän kiñäşü Däwlät Şurasınıñ niätlärendä bar, dilär. Läkin bu xaqta özderep äytü yuq äle.
Comğa könne näşer itelgän «Восточный экспресс» gazetası, mäsälän, kiläse atnada Konstitutsiä tekstı parlament komissiälärendä qaralaçaq, dip yazdı. Häm Däwlät Şurası berençe uqudan soñ anı xalıq qaramağına çığaraçaq ikän. Älege mäqälä avtorı ber yaqtan, yaña Konstitutsiä belän küplär känäğät bulmas, digän fikerne alğa sörä. Şunduq östäp tä quya: ä bit yaña Konstitutsiä tağın da naçarıraq bulırğa mömkin ide. Äye, älege mantiq belän fiker yörtkändä, nigä borçılırğa, nigä dularğa. Yuqsa, monısınnan da qorı qaluıbız mömkin.
Küzgä çalınğan ikençe ber närsä — yaraqlaştırılğan yaña Konstitutsiäneñ yabıq, serle şartlarda eşlänüe. Äyterseñ lä, süz atom qoralı, yäisä mäkärle şpion operatsiäse turında bara. Añlaşıla ki, Mäskäw täñgälläşterü protsessın tizlätergä quşqandır, qısalar quyğandır, ämma bit süz respublika xalıqnıñ yäşäyeşe qanunı turında bara. Yarıy, dokument referendumğa çığarılmadı, läkin tözätmälär kertüne açıqtan-açıq xalıqnıñ fikerenä tayanıp başqarıp bulmas ideme? Gärçä, baştaraq yuğarı dairälärdä şundıyraq fikerlär yañğırıy ide. Küräseñ, xalıq, cämäğätçelek fikeren ülçi torğan bizmännär modadan çığa başladı. Xäyer, ber-işe belgeçlär tatarstanlılar belän kiñäşü Däwlät Şurasınıñ niätlärendä bar, dilär. Läkin bu xaqta özderep äytü yuq äle.
Comğa könne näşer itelgän «Восточный экспресс» gazetası, mäsälän, kiläse atnada Konstitutsiä tekstı parlament komissiälärendä qaralaçaq, dip yazdı. Häm Däwlät Şurası berençe uqudan soñ anı xalıq qaramağına çığaraçaq ikän. Älege mäqälä avtorı ber yaqtan, yaña Konstitutsiä belän küplär känäğät bulmas, digän fikerne alğa sörä. Şunduq östäp tä quya: ä bit yaña Konstitutsiä tağın da naçarıraq bulırğa mömkin ide. Äye, älege mantiq belän fiker yörtkändä, nigä borçılırğa, nigä dularğa. Yuqsa, monısınnan da qorı qaluıbız mömkin.