Accessibility links

җомга, 9 декабрь 2016, Казан вакыты 20:22

Tatarstannıñ yaña Konstiutsiäse parlament komissiälärendä tikşerelä


Tatarstannıñ yaña Konstiutsiäse parlament komissiälärendä tikşerelä

Ä inde Tatarstandağı xällärgä qarata täfsileräk tuqtağanda, mäğlüm bulğança, Tatarstan Konstiutsiäseneñ yaña redaksiäse bu könnärdä parlament komissiälärendä tikşerelä. 18 fevral'dä anı beryulı öç parlament komissiäseneñ urtaq utırışında tikşerdelär. İqtisadi üseş mäsäläre, ekologik qurqınıçsızlıq, byudjet-finans mäsäläläre komissiäläre aldında Konstitutsiä komissiä äğzası, Däwlät Şurası prezidium äğzası Marat Galiev çığış yasadı. Räsmi xäbärdä dokladçı respublikanıñ yaña redaksiädäge töp zakonı qabul itelgännän soñ Däwlät Şurasınıñ saylawçılar birgän wäqälätläre qısalarınnan çıqmayaçağın, yäğni referendum ütkärüneñ kiräk bulmayaçağın iskärtte. Ul yaña redaksiäneñ Tatarstan Respublikasınıñ däwlät statusın bilgeläwçe prinsiapial' pozitsiälär buyınça 1992 yılda qabul itelgän Konstiutsiä belän däwamçanlığın saqlap qalu möhim dip azsızıqladı. Ämma, Marat Galiev, şulay uq başqa deputatlar da älege dokumentnı böten xalıq tarafınnan tikşerü zarurlığın äytte, diyelde.

Mäğlüm ki, böten xalıq tarafına Konstitutsiäneñ yaña redaksiäse barı tik 28 fevral'dä berençe uqılışta qabul itkännän soñ ğına çığarıla. BTİÜ monıñ belän kileşmi. «Timägez Konstitutsiägä» digän möräcäğätendä moña töp zakonnı Rusiäneke belän täñgälläşterüne Konstitutsion komissiäläreneñ yabıq utırışlarında uzegezne saylağan xalıqtan qaçıp alıp barasız, häm anı xalıq tikşerüenä çığarğanda xalıqtan tayanıç sorarğa da cär'ät itä almıysız, digän bäyälämä birä.

Ä inde milli respublikalar, alarnıñ qanunnarın yaqlawçılarğa qarata ezärlekläwgä kilgändä, BTİÜ uzğan Xäter könen ütkärüdä qatnaşuçılarnıñ qayberäwlären prokuraturağa çaqırtıp, cawapqa tartuların häm küptän tügel «Восточный экспресс» gazetasında milli mänfäğätlärne yaqlap çıqqan Tälğat Barievqa qarata cinäyät eşe quzğatunı demokratik qısalarğa sıymıy torğan ğamällär, dip sanıy.
XS
SM
MD
LG