Töp mäs'älä — şähär xaqimiäteneñ uzğan yılda başqarğan eşlärenä näticä yasaw ide. İsap-xisapnı Qazan xaqimiäte başlığı Kamil İsxakov üze yasadı. Başqarılğan eşlär turında maxsus broşürada täfsilläp yazılğanğa, dokladçı kübräk problemalarğa tuqtaldı. Şulay da, Kamil İsxakov uzğan yılnı uñışlı, dip bäyäläde. Şirkätlär 40,4 milliard sumlıq sänäğät malların eşläp çığarğan, urtaça xezmät xaqı ayğa 3112 sum täşkil itä, keçe biznesta 125 000 keşe mäşğul. Ğadät buyınça, Kamil İsxakov ireşelgän uñışlarda qayğırtuçan, yärdämçel Mintimer Şäymievneñ zur öleşe buluın bilgeläp ütte.
Läkin deputatlarnıñ qayberläre mernıñ optimistik çığışın qabul itmiçä mäsälälärne qabırğası belän quydı. Eşquarlar şähärdän wäğdä itelgän yärdämneñ bulmawın iskä töşerdelär, Mäskäw rayonı xaqimiäte başlığı Güzäl Minkina Qazanda tağın cinäyätçelekneñ baş kütärä, canlana başlawı xaqında söyläde. Ä alar belän köräşüçe militsionerlar waqıtında xezmät xaqı ala almıy, qayberäwläre eştän kitärgä ğariza yaza başlağan. Citmäsä, Çeçnyadağı komandirovkalar da militsiä xezmätkärläreneñ safların nığıtuğa kitermi.
Sessiädä şulay uq Tatarstan Konstitutsiäsenä östämälär häm tözätmälär kertü mäsäläse dä qaraldı. Zakon proektı nigezdä xuplandı, läkin qayber belgeçlär tänqit fikerlären dä citkerdelär. Mäsälän, universitet professorı, politolog Midxät Farukşin Konstitutsiäneñ bu proektı da Mäskäwgä oşamas äle, digän şik belderde. Sessiädä Tatarstan parlamentı citäkçese Färit Möxämmätşin qatnaştı.
Läkin deputatlarnıñ qayberläre mernıñ optimistik çığışın qabul itmiçä mäsälälärne qabırğası belän quydı. Eşquarlar şähärdän wäğdä itelgän yärdämneñ bulmawın iskä töşerdelär, Mäskäw rayonı xaqimiäte başlığı Güzäl Minkina Qazanda tağın cinäyätçelekneñ baş kütärä, canlana başlawı xaqında söyläde. Ä alar belän köräşüçe militsionerlar waqıtında xezmät xaqı ala almıy, qayberäwläre eştän kitärgä ğariza yaza başlağan. Citmäsä, Çeçnyadağı komandirovkalar da militsiä xezmätkärläreneñ safların nığıtuğa kitermi.
Sessiädä şulay uq Tatarstan Konstitutsiäsenä östämälär häm tözätmälär kertü mäsäläse dä qaraldı. Zakon proektı nigezdä xuplandı, läkin qayber belgeçlär tänqit fikerlären dä citkerdelär. Mäsälän, universitet professorı, politolog Midxät Farukşin Konstitutsiäneñ bu proektı da Mäskäwgä oşamas äle, digän şik belderde. Sessiädä Tatarstan parlamentı citäkçese Färit Möxämmätşin qatnaştı.