Accessibility links

пәнҗешәмбе, 8 декабрь 2016, Казан вакыты 17:23

Marsel Sälimcanovnıñ eşen kem däwam itär?


Bu könnerdä mäğlümät çaraları Teatr könendä wafat bulğan rejisser Marsel Sälimcanovnıñ tormış yulına anıñ xalqıbız yaratqan sänğät törenä kertkän xezmätenä zur iğtibar birdelär. Tatarstan televideniese pänceşembedä teatr ostazınıñ tormış yulı turında dokumental' fil'm kürsätte, teatr belgeçläre, artistlar, dramaturglar ğına tügel, ğadi keşelär dä Marsel Sälimcanov kebek ostaznıñ wafatın awır kiçerdelär. Qayber gäcitlär tatar teatrınıñ qoyaşı battı digänräk mäğnädä märxüm turında zur-zur mäqälälär bastırdılar. Äye, Marsel Sälimcanov ul tatar teatr sänğateneñ onıtılmas çäçäk atqan ber çorı. Añlaşıla ki, soñğı yulğa ozatqanda qayğı-sağışqa töşkän keşelär berküpme pessimistik farazlar yasıy. Xätta, optimist tanılğan dramaturg, Marsel Sälimcanovnıñ dustı Tufan Miñnullin ber intervyusında «Teatr añardan başqa niçek yäşär?» dip äytte.
XS
SM
MD
LG