Accessibility links

чәршәмбе, 7 декабрь 2016, Казан вакыты 17:26

Tatarstannıñ 12 rayonında “Buran” digän maxsus plan kertelde


Tatarstannıñ 12 rayonında “Buran” digän maxsus plan kertelde

Qazanda ikençe täwlek küz açqısız buran bulsa da, räsmi mäğlümat çaralarında bu täbiğät kataklizmı turında älläni xäbär yuq. Gärçä Semberdäge ğäcäp xällär, yullar tomalanuı, şähär transportı tuqtalu turında Rusiä TVsendä här xäbärlär çığarılışında söyläp torıla. Qazanda häm Tatarstannıñ qayber rayonnarında da şundıy uq xällär küzätelä. Qayber çığanaqlarğa qarağanda, ber-ike täwlek eçendä ber aylıq yawım-töşem bulğan. Qazanda transport bökeläre küzätelä, yul xaläkätläre, ike tapqır artqan. Ğädättäntış xällär ministrlığı matbuğat üzägennän belengänçä, Tatarstannıñ 12 rayonında “Buran” planı kertelgän. Qayber yullar yabılğan, respublikanıñ olı yullarına maxsus yärdäm itü, qotqaru törkemnäre çığarılğan. Meteorologlar qar-burannardan soñ suıqlar kilä, dip kisätä. Atna başında awıl xucalığı ministrlığı citäkçeläre qatnaşlığında ütkärelgän brifingta, ägärdä şundıy salqınnar 2-3 kön däwam itsä, ucımğa şaqtıy zur zıyan kiläçäk, dip belderelgän ide.
XS
SM
MD
LG