Sişämbe könne Ministrlar Kabinetınıñ çirattağı brifingı ike mäsälägä bağışlandı. Berençe bülektä ekologiä ministrı, baş sanitar tabib urınbasarı häm tözeleş ministrı urınbasarı respublika şähärläre häm awılların yazğı sanitar çistartu problemaları xaqında söyläde. İkençe tema “Tatenergo” berläşmäsen reformalawğa häm aksionerlaştıruğa bağışlandı.
Brifingnıñ berençe öleşendä ekologiä ministrı Boris Petrov respublikanıñ ekologik problemaları arasında berençe urında citeşterü qaldıqların häm könküreş çüp-çarın eşkärtü tora, dide. Xäzerge waqıtta ere şähärlär tiräsendäge çüpleklärdä genä dä yözär meñ tonnalağan qäğäz, polietilen, pıyala bar ikän. Zavod-fabrikalar, şirkätlär citeşterü qaldıqların toraq urınnarınnan cıyılğan çüp-çarlarnı teläsä qaya tükmäsennär öçen ekologik militsiä buldırılğan. Läkin Petrov äytüençä, problemanı tıyu, cäza birü ısulları belän tügel, ä iqtisadi ısullar belän xäl itärgä kiräk. Äytik, şirkät citeşterü qaldıqların çüplekkä çığarıp tükmi, ä yañadan qullana ikän, ul ekologiä salımın tülämi. Älbättä, Çallı, Qazan kebek ere şähärlärneñ çüpne eşkärtü probleması bar. Soñğı waqıtta respublikada qatı-qotı çüp-çarlarnı ayıru häm eşkärtü öçen poliğonnar tözelä başlağan. Baş sanitar tabib urınbasarı Nailä Fatxullina respublikanıñ sanitar xäle, bigräk tä yoğışlı awırular, här atna sayın küzätelä, analizlana, dip belderde. Cäygä faraz qatlawlı, İTAR TASS agentlığı xäbärçeseneñ turıdan bärep birgän “bu cäyne Qazanda waba çire çığaçaqmı, yuqmı”, digän sorawına, waba çire çıqmas, digän faraz äytelde.
Brifingnıñ “Tatenergo”nı reformalaw häm aksionerlaştıruğa bağışlanğan öleşendä bıyılnıñ 5 aprilennän “Tatenergo” aksiälärenä yabıq yazılu, yäğni möräcäğätlär qabul itü başlandı, dip belderelde. “Tatenergo”nıñ 15 milliard sumnan artıq ustav kapitalı 1 sumlıq aksiälärgä bülgäläp satılaçaq. Berençe çiratta aksiälär “Tatenergo”da eşläwçelär, yä eşläp pensiägä çıqqan keşelärgä 50% taşlama belän satıla.
Brifingnıñ berençe öleşendä ekologiä ministrı Boris Petrov respublikanıñ ekologik problemaları arasında berençe urında citeşterü qaldıqların häm könküreş çüp-çarın eşkärtü tora, dide. Xäzerge waqıtta ere şähärlär tiräsendäge çüpleklärdä genä dä yözär meñ tonnalağan qäğäz, polietilen, pıyala bar ikän. Zavod-fabrikalar, şirkätlär citeşterü qaldıqların toraq urınnarınnan cıyılğan çüp-çarlarnı teläsä qaya tükmäsennär öçen ekologik militsiä buldırılğan. Läkin Petrov äytüençä, problemanı tıyu, cäza birü ısulları belän tügel, ä iqtisadi ısullar belän xäl itärgä kiräk. Äytik, şirkät citeşterü qaldıqların çüplekkä çığarıp tükmi, ä yañadan qullana ikän, ul ekologiä salımın tülämi. Älbättä, Çallı, Qazan kebek ere şähärlärneñ çüpne eşkärtü probleması bar. Soñğı waqıtta respublikada qatı-qotı çüp-çarlarnı ayıru häm eşkärtü öçen poliğonnar tözelä başlağan. Baş sanitar tabib urınbasarı Nailä Fatxullina respublikanıñ sanitar xäle, bigräk tä yoğışlı awırular, här atna sayın küzätelä, analizlana, dip belderde. Cäygä faraz qatlawlı, İTAR TASS agentlığı xäbärçeseneñ turıdan bärep birgän “bu cäyne Qazanda waba çire çığaçaqmı, yuqmı”, digän sorawına, waba çire çıqmas, digän faraz äytelde.
Brifingnıñ “Tatenergo”nı reformalaw häm aksionerlaştıruğa bağışlanğan öleşendä bıyılnıñ 5 aprilennän “Tatenergo” aksiälärenä yabıq yazılu, yäğni möräcäğätlär qabul itü başlandı, dip belderelde. “Tatenergo”nıñ 15 milliard sumnan artıq ustav kapitalı 1 sumlıq aksiälärgä bülgäläp satılaçaq. Berençe çiratta aksiälär “Tatenergo”da eşläwçelär, yä eşläp pensiägä çıqqan keşelärgä 50% taşlama belän satıla.