Uzğan yäkşämbe könne Tatarstannıñ iñ zur Sabantuyları Qazanda ütte. Tatarstan başqalasınıñ 7 rayonı 7 urında beryulı xalqıbıznıñ borınğı bäyrämen ütkärde. Könnär bolıtlı bulsa da, Sabantuyı könne çiläkläp yañğır qoymadı, näq şul säğätlärdä bolıtlar arasında qoyaş çığıp, bäyrämne yämläde. Qaysı Sabantuyda nindi qunaqlar, nindi citäkçelär buluı, kemneñ täkä, kemneñ maşina otuı yäisä sölge häm isle sabın, peşkän yomırqa yaulawı turında äytep tormıybız. Bu Sabantuyında UNESCO belän oyıştırılğan tarixi şähärlär forumında qatnaşuçılar da, Rusiäneñ 30-40-lap töbägennän kilgän tatar cämäğätçelege wäkilläre dä qatnaşuın äytmiçä bulmıy.
Çäçülär tämämlanğaç, bäyräm itep alu ğorefe ikmäk uñışı belän bäyle. Mintimer Şäymiev respublikanıñ könyaq rayonnarında säyäxät itep qaytqaç, çäçüleklärneñ yaxşı buluın häm, Alla teläsä, bıyıl da, uzğan yıldağı kebek, bik zur uñış üsü mömkinlegen äytte. Kem bäyrämne yaratmasın? Küñellär kütärenke buldı. Rusiäneñ futbol komandasında qapqa saqlauçı Ruslan Niğmätullin da Qazanğa qaytqan ide. Arqan tartışırğa yäki köräşergä çığarğa täqdim itkäç, Qazan yegete Ruslan bu yulı baş tarttı. Elek çıqqalıy idem, dide ul. Läkin xäzer ber dä çığasım kilmi, bıyılğı Sabantuyı minem öçen Yaponia belän Koreada, futbol çempionatında ütte, dip cawapladı Ruslan Niğmätullin üzeneñ käyefe qırılğanın kürsätmäskä tırışıp.
Çäçülär tämämlanğaç, bäyräm itep alu ğorefe ikmäk uñışı belän bäyle. Mintimer Şäymiev respublikanıñ könyaq rayonnarında säyäxät itep qaytqaç, çäçüleklärneñ yaxşı buluın häm, Alla teläsä, bıyıl da, uzğan yıldağı kebek, bik zur uñış üsü mömkinlegen äytte. Kem bäyrämne yaratmasın? Küñellär kütärenke buldı. Rusiäneñ futbol komandasında qapqa saqlauçı Ruslan Niğmätullin da Qazanğa qaytqan ide. Arqan tartışırğa yäki köräşergä çığarğa täqdim itkäç, Qazan yegete Ruslan bu yulı baş tarttı. Elek çıqqalıy idem, dide ul. Läkin xäzer ber dä çığasım kilmi, bıyılğı Sabantuyı minem öçen Yaponia belän Koreada, futbol çempionatında ütte, dip cawapladı Ruslan Niğmätullin üzeneñ käyefe qırılğanın kürsätmäskä tırışıp.