Accessibility links

сишәмбе, 6 декабрь 2016, Казан вакыты 17:16

Qazanda tatar yäşläre könnäre başlandı.


Qazanda tatar yäşläre könnäre başlandı.

Düşämbe könne Qazannıñ elekege Yäşlär üzägendä, xäzergeçä äytkändä, “Aq bars” mädäniät üzägendä, 13-nçe tatar yäşläre könnäreneñ açılu tantanası buldı. 100-gä yaqın yeget häm qız distälärçä Rusiä töbäklärennän häm Ukrainadan Qazanğa kilde. Yäşlär könnäre 1 atna däwam itäçäk. Düşämbe könne, ber törkem tatar yäşläre belän tatar kongressı citäkçese İndus Tahirov oçraştı. Ul tarix, milli üzañ, tatar milläteneñ kiläçäge turında söyläde. Yäşlär üzlären qızıqsındırğan sorawların birde. Başqortstannan kilgän ber mölayem tutaş, mäsälän, milli çaralar ütkärü öçen aqça birelmäw turında äytte. Yäşlärneñ yalın oyıştıru öçen Tatarstan aqça birmäs, älbättä, ämma kadrlar ezerläw, däresleklär, fänni-metodik ädäbiätne çığaru - Tatarstan xisabına başqarıla. Yäşlärgä qıyuraq bulırğa, aqça birgänne kötep tormastan, eşlärğä häm küñel açarğa cayın tabu kiräklege turında äytelde. Vladimir Putin Saranskida yäşlär belän eşläw turında bik citdi süzlär alıp barğanda, Qazanda tatar yäşläre ciyılışıp, milli tormış turında kiñäşä, yäştäşläre belän aralaşa.
XS
SM
MD
LG