Accessibility links

якшәмбе, 11 декабрь 2016, Казан вакыты 14:55

Militsiä xezmätkärläre Norlatta qoral qullandı


Militsiä xezmätkärläre Norlatta qoral qullandı

Tatarstannıñ Könyaq çigendä urnaşqan häm bik köçle üseş alğan Norlat şähärendä ber törkem xuligan üzara mönäsäbätlären köç yärdämendä açıqlağan. Kriminal' törkemnärgä oxşaş suğış çuqmarların tınıçlandırırğa Norlatnıñ militsiä xezmätkärläre kilgäç tä, alar suğışuların tuqtatmağan. Xuligannar militsiä xezmätkäre Mansur Safinnı cirgä salıp qıynıy başlağaç, anıñ belän bergä barğan Pavel Romanov “Kedr” avtomatınnan iskärtü utın açqan. Monıñ da yärdäme timägäç, ul Makarov pistoletınnan xuligannarnıñ ayaqlarına ata başlağan. Barlığı 8 suğış çuqmarınıñ ayaqları häm kükräkläre cäräxätlängän. Mansur Safin qıynalıp ülüdän menä şulay qotılğan. Eçke eşlär ministrı Äsğät Säfärov Pavel Romanovnıñ utlı qoralnı urınlı qullanuı turında belderü yasağan. Romanov, qıyulıq kürsätkän öçen xökümät bülägenä täqdim itelgän.
XS
SM
MD
LG