Accessibility links

җомга, 9 декабрь 2016, Казан вакыты 01:15

III Bötendönya tatar Kongressı «Tuğan tel» cırı belän tämamlanaçaq


III Bötendönya tatar Kongressı «Tuğan tel» cırı belän tämamlanaçaq

Çärşämbe könne Bötendönya tatar Kongressınıñ başqarma komitetı binasında, III Kongressınıñ oyıştıru komitetı utırışları buldı. «Tatarstannıñ bizness xezmättäşläre» seksiäsendä mäsälän xökümät, iqtisad, säwdä häm tışqı xezmättäşlek ministrlıqları, säwdä-sänäğät palatası, Tatar eşmäkärläre şurası wäkilläreneñ dä çığışı yañğırayaçaq, dip kileşende. Seksiäneñ utırışı, 28 avgust könne Yärminkälär üzägendä bulaçaq. Millättäşlär yäşägän töbäklärdä eşläp kilüçe «Tatarstan» säwdä yortları citäkçeläre bu forumda iğtibar üzägendä bulır dip kötelä.Älegä qatnaşuçılar isemlegenä 21 «Tatarstan» säwdä yortı kertelgän.

Şuşı uq Başqarma komitet binasında mädäniät mäsälälärenä bağışlanğan ikençe seksiäneñ oyıştıru komitetı da cıyılışın uzdırdı. Fän, mädäniät, tel mäsälälärenä bağışlanğan seksiäneñ utırışı Fännär Akademiäse binasında ütäçäk.

Yäşlär häm zamança sänğat teması Yäşlär üzäge binasında tikşereläçäk. Ä Kongressnıñ ğomum plenar utırışı ikençe könne, 29 avgustta S.Säydäşev isemendäge zur konsertlar zalında uzdırıla. Plenar utırışlardan soñ, Kongress qunaqların konsert qararğa çaqırırlar. Ul alıp baruçılarnıñ, yazuçılarnıñ, başqa cämäğät eşlekläreneñ sälämläw süzlärennän başlanıp kitä. Berençe bülektä Röstäm Malikov, Venera Ğanieva, İlham Şakirov çığış yasar, dip kötelä. Cır häm biyü ansamble artistların qaraw, Finländiä tatarlarınıñ icatı belän tanışu mömkinlege dä bulaçaq. Axırda Zäynäp Färxetdinova häm Salawat cırlarğa tieş. Konsert, böten tatar xalqı öçen milli gimnğa äylängän «Tuğan tel» cırın başqaru belän, tantalı räweştä tämämlanaçaq.

Bikä Timerova
XS
SM
MD
LG