Accessibility links

якшәмбе, 11 декабрь 2016, Казан вакыты 01:18

Bötendönya tatar kongressınıñ III qorıltayına qunaqlar kilä başladı


Bötendönya tatar kongressınıñ III qorıltayına qunaqlar kilä başladı

Bötendönya tatar kongressınıñ III qorıltayına qayber illärdän kilüçelär viza alu byurokratiäsenä duçar bulğannar. Qıtaydan häm Yaponiädän kilergä niätlänüçelär älegä xätle viza ala almağannar. Törkiädäge millättäşlärebez berküpme totqarlanıp bulsa da, andıy bäxetkä ireşkännär.

Ä qayber millättäşlärebez Qazanğa üz yulları belän dä kilä başladılar. Çallı kiäwe Şvetsiädä yäşäwçe Törkär Suıqqan da ğailäse belän Tatarstanğa qaytqan. Läkin qorıltaynı oyıştıru komitetı belän Törkär äfände elemtägä kermägän. Küptän tügel Kanadağa küçep kitkän Batuxan Azimov ta şulay uq Çallığa qunaqqa qaytqan. Ul Kongressta Kanada tatarları wäkile bularaq qatnaşaçaq.

Uzğan comğa tapşıruıbızda Latviä tatarlarınıñ “İdel” cämğıäte wäkile Rinat Axunovnıñ çığışın sezgä işettergän idek. Latviägä 4 delegat urını birelsä dä, alarnı fäqät şul ildäge tatar-başqort mädäniät üzäge wäkilläre alğannar. Kongressta un yıl buyı räsmi wäkil bulıp torğan “İdel” cämğıätennän ber delegat ta saylanmağan bulıp çıqtı.

“Звезда Поволжья” gazetasınıñ soñğı sanında bu xaqta ”Onıtılğan polk” digän mäqälä dä basıldı. Älege wäzğıätne üzgärtü yözennän Bötendönya tatar kongressı Başqarma komiteı räise İndus Tahirov isemennän Rigağa fax cibärelde. Anda tatar-başqort üzägenä 4 delegat urınınıñ ikesen “İdel” cämğıätenä birü turında äytelgän.

Damir Ğismetdin
XS
SM
MD
LG