Accessibility links

шимбә, 10 декабрь 2016, Казан вакыты 10:09

Qazanğa tatarlar kilä


Qazanğa tatarlar kilä

Şul arada Bötendönya tatar kongressna äzerlek qızğannan qıza bara. İnde qunaqlar kilä başladı. Törkiä tatarlarınıñ mäşhür wäkile Ğoltan Urallı inde Qazanda. Ul da, başqa çit il tatarları kebek uq, Rusiä konsullıgında viza qäğäzen alğanda şaqtıy qıyınlıqlarğa oçrağan. Millättäşlärebez dä, Rusiä tışqı eşlär ministrlıqlarınıñ çit illärdäge bülekçäläre säyäxätlär oyıştıruçı ayırım şirkätlär belän eşläwne qulayraq kürä, digän faraz bar. Avstraliädäge millättäşlerebez Bötendönya tatar kongressına dä kilü-kilmäwlären açıqlap beterä almıy. Çönki alarnıñ hamanda vizaları yuq.

Bu könnärdä kongressnıñ ikençe ber delegatı, Şvetsiä tatarı Törkär Suıqqan dä Qazanğa kilep citte. Ul Azallıq radiosınıñ Qazan burosına kerep, qunaqta buldi:

B.T. Nindi xislär belän kildegez Qazanğa?

T.S. Bik şatlıqlı xislär belän kildem, dönya tatarları häm mondağı millättäşlär belän oçraşu minem öçen bik kuñelle bulır ide. Şvetsiä häm Finländiädäge tatarlar aldinda – ber mäsälä tora. Ul da bulsa – erep, yuğalıp qalmaw. Aña qarşı toru öçen telne saqlarğa kiräk. Şvetsiäde tatarça belüçe tatarlar olığayıp bara, azya, qızlarıbız başqa millät keşelärenä kiyäwğä çığa. Alarğa telne saqlaw bik awır.

Räsmi çığanaqlar xäbär itkänçä, Qazanda «Säfär», «Bolğar», «Duslıq», «Volğa» kunakxanäläreneñ bülmäläre delegatlar öçen dip alınğan inde. Ber şähär gäzite, böten kunakxanälär tulı bulğaç, Kongresska räsmi çaqıru almağan qunaqlar yäşäw urının tabır mikän, digän farazlar inde yañğıratıp ölgerde.
XS
SM
MD
LG