Fän, mäğärif, mädäniät häm milli mäsälälär komissiä utırışında pänceşämbe könne qaralğan tağın ber mäsälä şaw-şu kütärde. Bu mäsälä “Tatarstanda däwlät kitapxanäläre häm mädäniät yortları çeltären saqlap qalu turında ” dip atalsa da, asılda anda qayber awıllarda uquçılar az dip Mädäniät ministrlığı qaramağındağı kitapxanälärne mäktäp kitapxanälärenä quşu qaralğan ikän. Bu mäsälägä dä küpçelek deputatlar qarşı tordılar. Komissiä 2003 yılda barlıq ğamäldäge däwlät kitapxanäläre häm mädäniät yortları iqtisad häm sänäğät ministrlığı, finans ministrlığı häm mädäniät ministrlığı tarafınnan finanslanırğa tieş dip qarar itte. Komissiädä tikşerelgän mäsälälär arasında tıñlawçılarıbız öçen qızıqlısı – ul “Tatarstan xalıqları telläre turıdağı” qanunğa häm “Tatarstan xalıqları tellären saqlaw, öyränü häm üsterü prgramması”na östämälär turında. Monıñ xaqında mäğlümatnı Ministrlar Kabinetınıñ Tatarstan xalıqları tellären üsterü bülege mödire Kim Miñnullin birde:
Tatarstanda däwlät telläre turındağı qanun ütäleşe häm däwlät programması ikençe etapqa kerä. Bu Rusiädä säyäsät üzgärü belän dä bäyle. Şuña kürä älege qanunğa häm programmağa östämälär dä täqdim itelä.
Kim Miñnullinnıñ mäğlümatına komissiä räise häm komissiä utırışı alıp baruçı Razil Wäliev bolay dip östäde:
Däwlät telläre turında qanunnı ütämägän öçen administrativ cawapqa tartu turında kodeks eşlänep yata. Qanunnı tormışqa aşıru öçen yaña ber etärgeç bulaçaq.
Komissiä utırışında kiläçäk Däwlät Şurası sessiäsenä Tatarstanda grajdannarnıñ milli, mädäni berläşmäläre, Tatarstandağı arxiv waqıfı häm arxivları turındağı häm mäğärif sistemasında üzgäreşlär turında qanun proektları täqdim itelde. Alar xaqında täfsillebräk itep kiläse tapşırularıbızda.
Yunıs Ätnäle
Tatarstanda däwlät telläre turındağı qanun ütäleşe häm däwlät programması ikençe etapqa kerä. Bu Rusiädä säyäsät üzgärü belän dä bäyle. Şuña kürä älege qanunğa häm programmağa östämälär dä täqdim itelä.
Kim Miñnullinnıñ mäğlümatına komissiä räise häm komissiä utırışı alıp baruçı Razil Wäliev bolay dip östäde:
Däwlät telläre turında qanunnı ütämägän öçen administrativ cawapqa tartu turında kodeks eşlänep yata. Qanunnı tormışqa aşıru öçen yaña ber etärgeç bulaçaq.
Komissiä utırışında kiläçäk Däwlät Şurası sessiäsenä Tatarstanda grajdannarnıñ milli, mädäni berläşmäläre, Tatarstandağı arxiv waqıfı häm arxivları turındağı häm mäğärif sistemasında üzgäreşlär turında qanun proektları täqdim itelde. Alar xaqında täfsillebräk itep kiläse tapşırularıbızda.
Yunıs Ätnäle