Accessibility links

шимбә, 10 декабрь 2016, Казан вакыты 15:52

Tatarstan parlamentı räise Strasburgta RF subyektları mänfäğätlären yaqlıy


Tatarstan parlamentı räise Strasburgta RF subyektları mänfäğätlären yaqlıy

Respublikada da, äytkänemçä, tormış üzeneñ räte-çiratına qaytıp bara. İnde älege tapşıruda älege “Efir” kompaniäseneñ kontr-tapşıruında “ğayeplängän” Färit Möxämmätşin sişämbe könne Strasburgqa yunälde. Ul anda Rusiä Federatsiäse delegatsiäse sostavında Yevropa şurasınıñ eşçe törkeme utırışında qatnaşaçaq. Rusiä älege utırış qaramağına ike federal' qanun proektı täqdim itä. Berençese, Rusiä Federatsiäseneñ cirle üzidaräne oyıştırunıñ ğomumi prinsipları turında. İkençese – RF subyektlarınıñ qanunnar çığaru wäkilleklären (häm başqarma däwlät xaqimiäte orğannarınıñ) oyıştıru prinsipları turında. Berençe qanun proektına qarata Tatarstan Däwlät Şurası räise uñay pozitsiädä häm Yevropa Şurasında Rusiä prezidentı administarsiäse citäkçese urınbasarı Dmitriy Kozaknıñ bu mäs'älä buyınça notığın xuplap çığaçaq, ä menä ikençe qanun proektı buyınça Tatarstannıñ şaqtıy sallı täqdimnäre barı. Älege qanun proektınıñ küp maddälerendä federal' üzäk federatsiä subyektlarınıñ Rusiä Konstitutsiäse belän tapşırılğan wäkälätlärenä tıqşına. Yevropa Şurası eşke törkemeneñ utırışında Rusiä Federatsiäseneñ älege qanun proektları tikşerelgännän soñ alar Rusiä Däwlät Duması qaramağına tapşırılırğa tieş. Strasburgta Färit Möxämmätşin Tatarstan Däwlät Şurasınıñ älege qanun proektlarına täqdimnären iğlan itäçäk häm Dmitriy Kozak komissiäseneñ alarnı Däwlät Duması qaramağına çığarğançı, bu iskärmälärne kertergä tırışaçaq. Ägärdä bu täqdimnär, iskärmälär kertelmäsä, alar Tatarstan Däwlät Şurası tarafınnan tözätmälär räweşendä subyektnıñ zakon çığaru initsiativası bularaq, räsmiläştereläçäk, dielä räsmi xäbärdä.
XS
SM
MD
LG