Accessibility links

якшәмбе, 4 декабрь 2016, Казан вакыты 15:28

1999 yılda «Perm-Tübän-Novgorod» gazütkärgeçen şartlatuda qatnaşqan başqort yegete Ramazan İşkil'dinnıñ mäxkämä eşe başlandı


1999 yılda «Perm-Tübän-Novgorod» gazütkärgeçen şartlatuda qatnaşqan başqort yegete Ramazan İşkil'dinnıñ mäxkämä eşe başlandı

Konstitutsion mäxkämädä suverenlıq eşe qaralğan bulsa, sişämbe könne Tatarstan Respublikası Yuğarı mäxkämäsendä 1999 yılnıñ 1 dekabrendä ”Perm-Tübän-Novgorod" gazütkärgeçen şartlatuda qatnaşqan başqort yegete Ramazan İşkil'dinnıñ mäxkämä eşe başlandı. 3 yıl elek bulğan bu şartlatuda 12 keşe qatnaşqan ide. Anıñ 10-sın tabıp qaysın ünike yıl yarımğa, qaysın 14 yılğa ireklärennän mäxrüm ittelär, bersen psixik yaqtan sälämät bulmaw säbäple xastaxanägä ozattılar. Ä Başqortostannıñ Baymaq rayonınnan bulğan, bu törkemne citäklägän Ramazan İşkil'din ul çaqta qaçıp ölgergän ide. Bıyılnıñ 26 iyülendä başqort yegeten qulğa aldılar. Sişämbe könne mäxkämäne alıp baruçı İldus Yaqupov, advokatlar kollegiäsennän yaña advokat birelüen äytte. Çönki unınçı yuridik konsul'tatsiä, ğäyeplänüçene yaqlawğa mömkinçelegebez yuq dip, advokat birüdän baş tartqan bulğan. Yaña advokatqa eş belän tanışırğa waqıt kiräk bulu säbäple mäxkämä eşendä irtägägä qädär tänäfes iğlan itelde. Tağın Ramazan İşkildin, mäxkämädä, diversiädä qatnaşqan un dustınıñ da buluın sorağan. Anıñ öçese bu eştän baş tartqan, cidese bulaçaq, dide mäxkämäne alıp baruçı İldus Yaqupov.
XS
SM
MD
LG