Accessibility links

якшәмбе, 11 декабрь 2016, Казан вакыты 07:19

Serbiädä ütkärelgän saylawlar millätçelekneñ köçäyüen kürsätä


Yäkşämbedä Serbiädä waqıtınnan elek ütkärelgän parlament saylawlarınıñ räsmi näticäse bilgele bulmasa da ,Xökümättän bäysez oyışmanıñ farazlarına qarağanda ütä millätçe Serbiä Radikal Partiäse (SRS) birelgän tawışlarnıñ 27yarım prosentın alıp, parlamentta in zur köç bula ala.Saylaw näticäläre bälkim dä demokratik köçlärne fiker ayrımalıqların beterep,urtaq mäqsat öçen berläşergä etärer.

Saylawlarnıñ räsmi bulmağan näticäläre, remormaçı partiälärneñ aylarça däwam itkän totrıqsızlıq betär, Serbiäneñ Yevropa Berlegenä häm NATOğa kerüe öçen zarur reformalar totqarlanmas digän ömedlären yuqqa çığardı. Räsmi bulmağan näticälär suğış cinayätlärendä ğä yeplängän Vojislaw Şeşelinıñ Serbiä Radikal partiäse SRS 250 urınlıq parlamentta 80deputat çığarıp in zur partiä bulaçağın kürsätsä dä, bu anıñ ber üzenä xökümät tözü öçen citärlek tügel.Ber genä zur partiä dä millätçelär belän xezmätäşlek itergä äzer tügel. Analitiklar qaraşınça 4partiädän torğan demokratik blok berläşep potensial yaqtan ällä ni totrıqlı bulmağan küpçelekkä ireşer ..İsemeneñ äytelüen telämägän ölkän däräcäle diplomat min andıy xökümetneñ ğämere küpme bulır farazlarğa telämim, ämma ozın bulmayaçaq dip äytkän. Demokratik Serbiä partiäseneñ citäkçse Vojislaw Kostunica süzlärençä(audio) Serbiä Radikal partiäseneñ uñışqa ireşüenä ağımdağı xökümätneñ säyäsäte şulayuq Serbiägä qarata çit illärneñ alıp barğan säyäsät säbäp buldı. Başqa ber demokratik partiä citäkçeseneñ urınbasarı Boris Tadic bolay digän(audio) Demokratik partiä bulmıy ber nindi demokratik xökümät oyışa almıy. Bez yaña xökümätkä kerü öçen här törle bäyä tülärgä äzer tügel. barlıq mömkinçeleklär açıq. Demokratik partiä bilgele şartlarda ğına xökümätkä qatnaşaçaq, yäki ul opozitsiädä qalaçaq öçençe mömkinçelek isä ul bik qırıs şartlar belän genä azçılıq xökümätne yaqlayaçaq. Suğış cinayätlärendä ğäyeplängän Voyıslaw Şeşeli bilgele bulğança fevral ayında BMOnıñ Haagadağı mäxkämäsenä birelde. Ul anda Xorvatiä häm Bosniada eşlägän suğış cinayätläre öçen cawap birergä tieş. Şulayuq 2000. yılda Haagadağı tribunalğa tapşırılğan Yugoslaviäneñ eleke prezidentı Slobodan Miloşeviçnıñ Sotsialist partiäse räsmi bulmağan näticälärgä kürä parlamentta 20deputat çığaraçaq. Miloşeviç tä Şeşeli de deputat bulıp parlamentta utıra almayaçaq , bälkim alarnı başqaları wäkillek itär! Serbiä radikal partiäse general sekretarı Aleksander Vucic (audio) bez xökümät tözü öçen ber genä partiäne da çaqırmadıq, çönki bez älege waqıtta Serbiädä in köçle partiä. Bez üzebezneñ säyäsi , iqtisadı programmabıznı täğdim itäçäkbez.Alarnı qabul itäçäk partiä barmı yuqmı kürerbez Serbiä radikal partiäse häm anıñ traditsional berektäşe Miloşeviçnıñ Sotsialist partiäse başqa ber partiä belän küpçelek koalitsion xökümät oyıştıra almayaçaq dip äytä analitiklar Reformaçı partiälär birelgän tawışlarnıñ 42%alğan dip farazlana , patşa yaqlı ike partiädän torğan koalitsiäse isä tawışlarnıñ 8%ın alğan dip täxmin itelä. Saylawlarda millätçelärneñ küpläp tawış aluına Serbiädä yaqınça 30%qa citkän eşsezlek kenä tügel ä ildä zur antipatiä belän qaralğan xalıqara suğış mäxkämäse dä säbäp buldı. Saylawlardan elek mäxkämä suğış cinayätlärendä şiklänelgän 4 keşe şulsanda İlneñ politsiä başlığınıñ urınbasarın üzenä tapşırıluın soradı. Küzätüçelär bu taläp ildä millätçe xislärne köçäytte häm saylaw näticälärendä dä üzen kürästte dip belderä

färidä xämit,praga
XS
SM
MD
LG