Accessibility links

пәнҗешәмбе, 8 декабрь 2016, Казан вакыты 03:19

Putin belän yarışu öçen 9 namzät terkälde. Läkin alar arasında täsirle keşe yuq


14-nçe Martta Russiädä prezident saylauları bulaçaq. Terkälüneñ möddäte bu atnada tula. Älegä 10 kandidat terkälgän. Läkin, alarnıñ berse dä Putingä köndäşe bula almıy. Uzğan ayda bulğan Duma saylaularınıñ näticäse potansial köndäşlärne örkette. Xätta qayber xäbärlärgä qarağanda Kreml prezident saylaularınıñ çın, demokratik häm ğadel buluın kürsätü öçen Mironov kebeklärne kandidat bulırğa ügetlägän.

Şulay itep 9 kandidat Putingä qarşı köräşäçäk. Läkin monıñ näticäse xäzerdän ük bilgele. İldäge töp oppozitsiä partiäläreneñ berse dä täsirle kandidat täqdim itmädelär. Duma saylauları moña çaqlı köçle oppozitsion partiä bulğan kompartiäneñ zäğiflätte. Ä inde Yabloko belän Uñ Köçlär Berlege kebek demokratik partiälär isä parlamentqa kerü öçen kiräk bulğan 5 protsentlıq kirtäne dä ütä almadılar. Şul säbäple beräv dä Putingä köndäş bulıp çığarğa telämi. Dikber azağına qädäre ber kem dä kandidat bulıp terkälmäde. Oppozitsiä xätta başta kandidat kürsätmiçä, saylaularğa boykot iğlan itärgä teläde. Läkin Dikäber azağında qayberävlär terkälergä buldı. Politik küzätüçelär monda Kremlneñ barmaı buldı digän fikerdälär. Politik Texnologiä Üzäge xezmätkäre Boris Makarenkonıñ fikerençä, Russiädä politik partiälär sisteması cimerelgän.

Audio

Berdän ber xatın-qız kandidat irekle bazar taraftarı İrina Xakamada, Uñ Köçlär Berlege isemennän tügel, ä bäysez kandidat bularaq terkälergä qarar birüeneñ säbäben radiobız xäbärçesenä bolay dip añlattı.

Audio

Elekke prezident saylaularında 29 protsent tauış alğan kompartiä citäkçese Zyuganov bu märtäbä kandidatlığın quymıyça urnın Agrar Partiäse citäkçese Nikolay Xaritonovqa birde. Kompartiä Putingä qarşı çınnan da köräşergä telägän bulsa ide, başqa kandidat belän çığar ide. Xätta Jirinovskiy dä bu märtäbä üz kandidatlığın quymadı. Kandidat itep partiäneñ az tanılğan iminlek başlığı Oleg Malışkin terkälde. Kandidatlarnıñ berse Putin yaqlı Federatsiä Sovetı süzçese Oleg Mironov.Küzätüçelärneñ fikerençä, Mironov kebeklär partiälär üz kandidatların kürsätmägän xäldä, prezident saylaularına qanunilek birü maqsäte belän Kreml tarafınan äzerlängän senariägä esasän üz kandidatlıqların quyğannar. Älbättä Mironov monıñ belän kileşmiçä üzenneñ politik agendası buluın belderä.

Audio

İqtisadçı Sergey Glazev häm Üzäk Bankınıñ eleke başlığı Viktor Geraşenko Anavatan Partiäse kandidatları . Yuqtan bar bulğan bu partiä Dumağa 40 deputat kertä aldı. Kandidatlarnıñ ikese dä Kreml säyäsäten yaqlauçılar , tik ekonomik säyäsättä sulıraq kursnı yaqlıylar. Anavatan da Putinne yaqlasa da, Mironov kebek ük, xökümätneñ yaqlauğa ixtiacı bulu säbäple Glazev belän Geraşenkonıñ kandidatlıqların quyunı yaqlıy ikän. Putnneñ döşmanı Berezovskiy tarafınnan yaqlanğan Dumanıñ elekke süzçese İvan Rıbkin genä Putin reformalarını närsä ikänen dönyağa añlatu öçen kandidatlığın quyuın belderde.

Audio

Rıbkin häm Dumğa kergän partiälär tarafınnan kandidatlıqları yaqlanmağan başqalar 89 regionda 2 milion imza ciarğa tieşlär. Bu qatmarlı häm aqça taläp itkän eş. Bolardan tış mätbuğatta Litva prezidentı belän elemtäse bar dip belderlgän oyışqan cinajätçel törkemneñ başlığı dip xisaplağan bäxäsle eşquar Anzori Aksentyev-Kikalişvili häm vodka patşası Vladimer Brıntsalov ta kandidat bulıp terkälgännär. Yabloko ğına boykot qararına turılıqlı bulıp qalıp saylaularda qatnaşmayaçağın belderde. Kandidatlarğa küz salğannan soñ Putin belän yarışırlıq şäxesneñ bulmauı açıq añlaşıla. Mart ayındağı saylaularda süz kemneñ ciñäçäge turında tügel, ä Putinneñ küpme protsent alıp ciñäçäge turında bara.

Färit İdelle, Praga.
XS
SM
MD
LG