Accessibility links

якшәмбе, 4 декабрь 2016, Казан вакыты 00:57

G.Bush NBC ängämäsendä Ğıraqqa suğış açunı yaqlap çıqtı


AQŞta barğan saylaw aldı kampanyasında demokrat namzätlär Ğıraq suğışı turında tänqitle fiker belderä. Yäkşämbedä G.Bush NBC tele kanalınıñ mätbuğat belän oçraşu programmasında İlneñ iminlege häm iqtisadi sälämätlege öçen prezident qayçaqta popular bulmağan qararlar qabul itä dip äytep Ğıraqqa suğış açunı yaqlap çıqtı. G.Bush saylawçılarğa eçkersez, samimi bulıp kürenergä telägänder,ämma , demokratlar moñı prezident suğışqa baru säbäplärennän çigenä dip bäyäläde.

Ğıraq suğışı säbäple arta barğan basım astında qalğan G.Bush prezidentlıq möddäteneñ berençe talk showında ber säğätlerk ängämä birep suğış başlatu qararın yaqlap bolay dide(audio) minem qararım mömkin bulğan in yaxşı küzläw mäğlümätenä nigezlände. Yıllarça tuplanğan mäğlümätkä.Bezneñ genä tügel ,başqa illär analitikları da añı in yaxşı dip bäyäläde. Ğıraqta küpläp üterü qorallarınıñ äle dä tabılmawı säbäple ,Bushnıñ suğış açu qararı tänqitlänä. Tıyılğan qorallar suğış açuğa töp säbäp bulğan ide. Fiker beleşülärdä suğış häm şulayuq amerikan iqtisadı turındağı sorawlar säbäple Bushnıñ popularlığı kimi töşte. Yäkşämbedä iğlan itelgän CNN-Time jurnalınıñ fiker beleşü näticälärendä fikre soralğannarnıñ 44% ğına Bush- ışanıçlı citäkçe dip äytkän. Prezident televidiniä ängämäsendä Ğıraqta küpläp üterü qorallarınıñ tabılmawına şaqqatıuın iqrar itsä dä, (audio) Amerika aqıldan şaşqan keşe naçar närsä eşlämäs dip ömed itep utıra almıy.Bu bik möhim.Qurqınıçnı kürgäç tä anıñ belän eş itü möhim . Yaña tör suğışta qurqınıçnıñ yaqınlaşuın kötsän soña qalasın .Şunlıqtan min qarar birdem. Ütkän atnada G.Bush küzläw xezmätläreneñ mäğlümätlärendä yalğışlıq bulu bulmawın tikşerü öçen komissiä oyıştırdı. Ämma komissiä xisabın saylawlardan soñ , kiläse yıl başlarında ğına biräçäk dip kötelä.Bush min Ğıraq ,Saddamnı xakimiättän çitlätü turında döresme yalğışmı qarar birdem, Amerika saylawçılarnıñ noyaberğa qädär uylarğa citärlek waqıtı bulaçaq dip äytte. Prezident Ğıraq xalqı ilneñ kiläçäge nindi xakimiät kiläçägen belmägän öçen bik tınıçsız dip iqrar itsä dä anda islamçı, qatı qul taraftarı xökümät bulmayaçaq dide. G.Bush AQŞnıñ İran T.Koreağa qarata alıp barğan säyäsäte turında isä(audio) här wazğiät ayrım cawap, ayrım analiz taläp itä. İrannıñ qurqınıç tudıruına şik yuq. Xalıqara cemeğätçelek İrannı atom programmasınnan wazkiçerergä tırışa.Korea yarım utrawında AQŞ, K.Korea, Yaponiä häm Rusiä Kim Yong-qa açıq anıq kündermä cibärä.İkençe törle äytkändä bu administratsiäneñ säyäsäte açıq häm ul alda torğan qurqınıçlarğa bik realistik qaraşta. G.Bush 2 noyaberdä ütäçäk prezident saylawlarında ciñep çığaçağına ışana. Osama bin Ladennı qulğa alu yäki mäxkämä aldına çığaru älbättä yañadan saylanuda zur etärgeç bulır ide. Ämma Bush ul qayçan totılır ber fikrem dä yuq dide. Bush intervyusı, anıñ kötkän näticäne kitererme bilgele tügel, demokralar ängämäne , administratsiä suğış öçen kürsätkän säbäp sıltawlardan üzen çitläşterä dip bäyäläde.

färidä xämit,praga
XS
SM
MD
LG