Accessibility links

сишәмбе, 6 декабрь 2016, Казан вакыты 08:50

Saylawlarğa sanawlı könnär qalğanda Rusiä prezidentı xökümätne tarattı


Sişämbedä Rusiä prezidentı Vladimir Putin televidenie aşa çığış yasap Mixail Kasyanov citäklägän xökümätne urınınnan aluı turında belderde. Putin bu adımın xökümätneñ eşçänlegen bäyäläw tügel, ä ilneñ kiläçägenä üzeneñ qaraşın belderü, dip añlattı.

Sişämbedä Rusiäneñ beryulı 2 däwlät telekanalınnan çığış yasap, Rusiä prezidentı Vladimir Putin, Putin Mixail Kasyanov citäklägän xökümätne wazifasınnan çitlätüwe turında belderde. Putin, bu adım xökümätkä bäyä birü belän bäyle tügel disä dä, anıñ eşçänlegenä "qänägätlänerlek" digän bilge quydı:

Audio (Vladimir Putin)

Putin süzlärençä bu adımğa anı 14 marttan soñ ilneñ qaysı yul belän kitäçägenä üz qaraşın belderü teläge etärgän:

Audio (Vladimir Putin)

Yeltsin keşese sanalğan Kasyanovnıñ urınınnan kitäçäge turında süzlär inde küptän yöri. Yağni qarar üze - yañalıq tügel, yañalıq - bu turıda iğlan itü waqıtında. Konstitutsiä nigezendä yaña saylanğan prezident xökümät citäkçesen saylawlardan soñ dä täqdim itä ala. Putinnıñ berniçä könnän prezident bulıp saylanaçağında şik-şöbxälär yuq. Putin üzeneñ yaña xökümäten saylaw näticälären kötep tormıyça iğlan itergä buldı:

Audio (Vladimir Putin)

Şuşı aşığunıñ säbäbe närsädä soñ? 14 Mart prezident saylawlarında Putinnıñ köndäşe komunist Nikolay Xaritonov, monı PR-adım, tawış birü urınnarına kübräk keşe cälep itü niäte dip atadı. Tağın ber namzät İrina Xakamada süzlärençä, Putin, xalıqnıñ saylawlarğa kiläsenä ışanıp betmi, şul säbäple wazğiätne şartlatırğa bulğan.

Tanılğan säyäsi küzätüçe Andrei Piontkovski fikerençä:

Audio (Andrei Piontkovski)

"Soñğı waqıtta Kasyanov, bigräk tä Xodorkovski mäsäläsendä üzen artıq qıyu tottı. Bu adımı belän Putin üzen oligarxlarğa qarşı köräşçe itep kürsätä. Şul uq waqıtta adımnıñ saylawlarğa berniçä kön qala yasaluwı, xakimiättä krizis buluın kürsätä. Monnan soñ saylaw aldı kompaniäçse farsqa äylänä."

Äytkändäy, Putinğa küpmeder däräcädä köndäş bula alırday namzätlär, Xakamada, Rıbkin häm Xaritonov saylaw köräşennän çığu ixtimalın belderde.

Mäskäwdäge şuşı uyınnar töbäklärgä, atap äytkändä Tatarstanğa niçek tä''sir itäçäk. Bu turıda Tatarstan prezidentı kiñäşçese Rafael Xakimov Azatlıq radiosına menä närsä dide:

Audio (Rafael Xakimov)

Rusiä konstitutsiäse nigezendä prezident ike atnadan da qalmıyça yaña premier-ministrnı täqdim itergä tieş. Anıñçı elekke xökümät wazifasın başqarıp toraçaq. Işanıçlı keşeläre belän bulğan oçraşuda Putin 2008 yılğa üzeneñ varisın bilgeläyäçägen äytkän ide. Säyäsät belgeçe Andrei Painkovski süzlärençä, berniçä könnän bu keşeneñ iseme bilgele bulırğa mömkin:

Audio (Andrei Piontkovski)

Ali Gilmi, Praga
XS
SM
MD
LG