Accessibility links

якшәмбе, 11 декабрь 2016, Казан вакыты 03:29

Yevropa Parlamentı dönyaküläm keşe xoquqları mäsäläsendä Berlekne qatıraq aksiälärgä çaqıra


Kiçä Strasburgta Yevropa Parlamentı, Berlekneñ keşe xoquqları säyäsäte turındağı xisab proyektın tikşerde.Proyektta terrorğa qarşı köräştä fundamental xoquqlarğa xörmät kürsätelergä tieş dip belderelä.Dokumentta terrorğa ğına tügel ä ğarib keşelärneñ xoquqları, könçığış Yevropa, Rusiä häm Üzäk Aziädä arta barğan SPİD çirenä dä iğtibar cälep itelä.

Yevropa Parlamentındağı kiçäge debatlar,Yevropa Berlegendä global terrorizmğa qarşı köräştä fundamental ireklek häm xoquqlarnıñ qorban bula alaçağı turındağı arta barğan borçılunı çağıldırdı. Keşe xoquqları xaqındağı dokument proyektında terrorizm xalıqara cämäğätçelek aldında torğan in zur qurqınıçlardan berse dip xökem itelä. Terrorğa qarşı köräş Berlektä in yuğarı prioritet bulıp tora dip äytelsä dä ber ük waqıtta köräş xalıqara qanunnarğa kileşle alıp barılırğa tieş dip azsızıqlana .Kiçäge debatlarda İrlandiäneñ Yevropa ministırı Dick Roche terrornı xökem itep, aña qarşı mömkin barlıq çaralar belän köräşü kiräk, bu tırışlıqta uñışqa ireşü öçen keşe xoquqlarına xörmät itü zarur şart bulıp tora dide. Roche süzlärençä(audio) Kiñ yaqlaw tabu häm ozın möddättä uñışqa ireşü öçen terrorğa qarşı suğış, keşe xoquqlarına , fundamental ireklekkä tulı xörmät belän bergä alıp barılırğa tieş.Keşe xoquqların qıyulandıru terrorğa qarşı här törle köräşneñ integral öleşe bulırğa tieş.Bez terrornıñ säbäpläre turında da söylärgä tieş. Terrornıñ säbäplären öyränergä tırışu, terror yäki terrorçılarğa qarşı zägiflıq dip añlaşılmasqa tieş. Kiresençä, bu terrornı yuq itü öçen nigezle çara bulıp tora. Roche terrornı xästälek-çir belän çağıştırıp,terrornıñ säbäpläre şulayuq simptom –bilgeläre turında söylärgä kiräk, bilgelärne genä yuq itep terror mäsäläsän xäl qılunı ömed itü ber qatlılıq bulır ide dide. Xisapta telgä alınğan başqa ber borçılu isä –Berlek debatlarında här daim qalqıp çıqqan mäsälä –Berlekneñ keşe xoquqlarına birgän prioritet .Proyektta Yevropa berlege cıyılış, sumitlarda berlekkä äğza bulmağan illär belän keşe xoquqları mäsäläsen küpkä açığraq söyläşergä häm bu diskusiälär här törle urtaq belderülärdä çağılış tabarğa tieş dip äytelgän. Yevropa Parlamentı Berlekneñ tışqı säyäsätenä qağılışlı qararlar çığaru wäqälätenä iä tügel. Şulay da xisap proyektında äğza illär säyäsät, iminlek yäki iqtisadi säbäplär öçen keşe xoquqları mäsäläsen qorban itmäskä çaqırıla. İrlandiäneñ Yevropa ministırı Roche BMOnıñ Jenevadağı keşe xoquqları komisiäsendä Berlekneñ uñışları turında söyläsä dä ul uñışsızlıqlarnı da telgä alıp,(audio) Berlekneñ baytaq qına möhim inisiativaları tuqtatıldı. Moña öleşçä BMOkeşe xoquqları komisiäseneñ strukturası säbäp.Anda şulayuq qayber regional törkemnärneñ üz äğzalarınıñ xökem itelüen telämäwe küzgä çağıla.Minemçä bu BMO sistemasındağı zäğiflıq.Berlekneñ Çeçnä turındağı inisitiavası kire qağlıdı. Zimbabwe turındağı rezolutsiä dä ütä almadı dip söyläde . Çeçnä rezolutsiänä qarşı tawış birüçelär bıyıl ütkän yılğa qarağanda küpkä kübräk bulğan.Roche Berlek kübräk strategik mönäsäbät kürsätü yulın qabul itergä tieş dide. Yevropa parlamentınıñ xisabında Törkmänstanda, Üzbäkstanda xoquq torışınıñ bozıluına ,Qıtayda ülem cazası häm internetqa quyılğan çikläwlärgä tänqit belderelä.Könçığış Yevropa, Rusiä, Üzäk Aziädä spid çireneñ artuına iqtibar cälep itelä,.Xisapta SPİDneñ cäyelüenä narkotika qullanuınıñ artuı ber säbäp bulsa , virusnıñ anadan balağa küçüe dä kisken arttı dip azsızıqlana .Xisap proyektında ğariblärneñ xoquqları telgä alına häm bigräk tä keşägä qarşı minalarğa iqtibar cälep itelä. Andıy minalarnı eşläp çığaruçı illär sanı sonğı yıllarda kimesä dä ,bu minalarnı küpläp eşläp çığaruçı illär şulsanda AQŞ,Qıtay,Hindistan häm Pakstan , cirminaların tıyğan Ottawa kileşüen üz öslärenä yöklämä itep alırğa tieş dip äytelgän Yevropa Parlamentınıñ keşe xoquqları turında xisab proyektında

färidä xämit,praga
XS
SM
MD
LG