Äye, Äfğanstan prezidentı üzeneñ elekke häm küpmeder däräcädä xäzerge dä doşmannarın saylawlarda häm ilne torğızu eşlärendä qatnaşuğa öndi. Şuşı belderüen ul Qandaharda, qayçandır "Taliban"nıñ üzäge sanalğan şähärdä yasadı.
Audio, Xämit Qarzai
"Ägär dä millätneñ qalğan öleşe - "Taliban"mı ul, tügelme, ilgä kire qaytıp monda yäşärgä, monda eşlärgä häm igen igärgä cıyına ikän, räxim itsennär, bu alarnıñ ile, alrnıñ watanı. Bezneñ qarşılıqlar barı tik, Äfğanstannı tarqatuçı, bomabalar şartlatuçı, çit il keşeläre yardämendä ilgä cimerülär kiterüçe köçlär belän genä bar" di äfğan prezidentı. Anıñ süzlärenä qarağanda, räsmi Qabulnıñ elekke "Taliban" xäräkäte wäkillärenä yasalğan möräcäğäte barı tik, yaqınça 150-läp bulğan yuğarı däräcäle taliplärgä genä cäyelmi. Alar "äl-Qaidä"gä bäyle, Äfğanstannıñ doşmannarı bulıp tora häm bez haman da alarğa qarşı dip belderä Xämit Qarzai. 2001-nçe yılda Qabuldağı "Taliban" xakimiatenä qarşı suğış başlağan häm axırğı çiktä anı bärep töşergän Quşma Ştatlar äfğan prezidentınıñ soñğı täqdimen xuplıy kebek kürenä - Qabuldağı amerikan ilçese Zalmay Xälilzad elegräk, "Taliban" xökümätendä eşlägän, läkin terrorçılar belän xezmättäşlek itmägän häm törle cinayätlär qıluda qatnaşmağan keşelärne yarlıqaw ixtimalın yaqlap çıqqan ide dip xäbär itelde. Äfğanstan xakimiaten mondıy täqdim belän çığuğa ildä soñğı aylarda naçarayğan iminlek xäle etärä ala digän farazlar belderelä. Bu bigräk tä ilneñ könyağında, şul uq Qandahar tirälärendä sizelä. Yäkşämbe könne genä Äfğanstanda saylawlar aldınnan tawış birüçelärne terkäw eşen alıp barğan Berläşkän Millätlär, höcümnär artuı säbäple şul eşen tuqtatıp toruı xaqında xäbär itte. Äfğanstan belgeçe Vikram Parex, Xämit Qarzaineñ Qandaharğa baruı da, anıñ "Taliban" tarafdarlarına qarata yomşaq möğämälä kürsätergä buluı da sintäbrgä bilgelängän saylawlarnı tınıç itep ütkärergä tırışuı belän añlatıla dip isäpli.
Audio, Vikram Parex
"Saylawlar yaqınlaşu häm saylawçılarnı terkäw eşeneñ könyaqta häm könçığışta, ilneñ başqa ölkäläre belän çağıştırğanda, sülpänräk baruı belän Qarzai, "Taliban" qaraşları köçle bulğan töbäklärdä oppozitsiäne beterüneñ bu berdänber yulı bulıp tora digän fikergä kilä ala" di Äfğanstan belgeçe Parex. Qarzaineñ soñğı möräcäğätenä "Taliban" yağınnan älegä bernindi dä cawap alınmadı. Kiçäge çığışında Äfğanstan prezidentı üz xökümäteneñ inde berniçä ay däwamında "Taliban"nıñ azraq radikal'' wäkilläre belän söyläşülär alıp baruın äytte. Ul keşelärneñ kem buluı xaqında Qarzai alay da täfsilräk mäğlümat birmäde. Ğomumi saylawlar Äfğanstanda başta yündä ütär dip kötelgän ide, läkin alar xäzer sintäbrgä küçerelde. Tawış birü xoquqı bulğan 10 million äfğan saylawçısınıñ älegä barı tik biştän ber öleşe genä terkälde.
Kärim Kamal, Praga
Audio, Xämit Qarzai
"Ägär dä millätneñ qalğan öleşe - "Taliban"mı ul, tügelme, ilgä kire qaytıp monda yäşärgä, monda eşlärgä häm igen igärgä cıyına ikän, räxim itsennär, bu alarnıñ ile, alrnıñ watanı. Bezneñ qarşılıqlar barı tik, Äfğanstannı tarqatuçı, bomabalar şartlatuçı, çit il keşeläre yardämendä ilgä cimerülär kiterüçe köçlär belän genä bar" di äfğan prezidentı. Anıñ süzlärenä qarağanda, räsmi Qabulnıñ elekke "Taliban" xäräkäte wäkillärenä yasalğan möräcäğäte barı tik, yaqınça 150-läp bulğan yuğarı däräcäle taliplärgä genä cäyelmi. Alar "äl-Qaidä"gä bäyle, Äfğanstannıñ doşmannarı bulıp tora häm bez haman da alarğa qarşı dip belderä Xämit Qarzai. 2001-nçe yılda Qabuldağı "Taliban" xakimiatenä qarşı suğış başlağan häm axırğı çiktä anı bärep töşergän Quşma Ştatlar äfğan prezidentınıñ soñğı täqdimen xuplıy kebek kürenä - Qabuldağı amerikan ilçese Zalmay Xälilzad elegräk, "Taliban" xökümätendä eşlägän, läkin terrorçılar belän xezmättäşlek itmägän häm törle cinayätlär qıluda qatnaşmağan keşelärne yarlıqaw ixtimalın yaqlap çıqqan ide dip xäbär itelde. Äfğanstan xakimiaten mondıy täqdim belän çığuğa ildä soñğı aylarda naçarayğan iminlek xäle etärä ala digän farazlar belderelä. Bu bigräk tä ilneñ könyağında, şul uq Qandahar tirälärendä sizelä. Yäkşämbe könne genä Äfğanstanda saylawlar aldınnan tawış birüçelärne terkäw eşen alıp barğan Berläşkän Millätlär, höcümnär artuı säbäple şul eşen tuqtatıp toruı xaqında xäbär itte. Äfğanstan belgeçe Vikram Parex, Xämit Qarzaineñ Qandaharğa baruı da, anıñ "Taliban" tarafdarlarına qarata yomşaq möğämälä kürsätergä buluı da sintäbrgä bilgelängän saylawlarnı tınıç itep ütkärergä tırışuı belän añlatıla dip isäpli.
Audio, Vikram Parex
"Saylawlar yaqınlaşu häm saylawçılarnı terkäw eşeneñ könyaqta häm könçığışta, ilneñ başqa ölkäläre belän çağıştırğanda, sülpänräk baruı belän Qarzai, "Taliban" qaraşları köçle bulğan töbäklärdä oppozitsiäne beterüneñ bu berdänber yulı bulıp tora digän fikergä kilä ala" di Äfğanstan belgeçe Parex. Qarzaineñ soñğı möräcäğätenä "Taliban" yağınnan älegä bernindi dä cawap alınmadı. Kiçäge çığışında Äfğanstan prezidentı üz xökümäteneñ inde berniçä ay däwamında "Taliban"nıñ azraq radikal'' wäkilläre belän söyläşülär alıp baruın äytte. Ul keşelärneñ kem buluı xaqında Qarzai alay da täfsilräk mäğlümat birmäde. Ğomumi saylawlar Äfğanstanda başta yündä ütär dip kötelgän ide, läkin alar xäzer sintäbrgä küçerelde. Tawış birü xoquqı bulğan 10 million äfğan saylawçısınıñ älegä barı tik biştän ber öleşe genä terkälde.
Kärim Kamal, Praga