Premyer Recep Tayyip Erdoğannıñ säfärenä törek räsmiläre zur ähämiät birä. Çönki Fransiädä Ankaranıñ Berlekkä quşuluına qarşılıq kürsätüçelär şaqtıy küp. Mäğlüm bulğançı Ankara 1987-nçe yılda uq Berlekkä möräcäğät itte. Aña 1999nçe yılda ğına namzät-kandidat statusı birelde.Törkiädä keşe xoquqlarınıñ torışı kiçegügä töp säbäp buldı. Üktäber ayında Yevropa Komissiäse Erdoğan xökümäteneñ kertkän reformalarnı küzdän kiçeräçäk.Ankara reformalar uñay bäyäläner häm Berlek citäkçeläre dikäber sumitında äğzalıq söyläşülären başlau könen bilgelär dip ömed itä. Premyer Erdoğan Parijğa baytaq qına ministırlar häm zur eşquar törkeme ozatuında kilde. Düşämbedä ul fransuz kollegası Raffarin belän küreşkännän soñ jurnalistlarğa (audio)bez fransuz premyere belän Berlekneñ dikäberdä bulaçaq sumitı turında söyläştek ,hämmäbez Fransiä bezne yevropa mäsäläsendä yaqlar dip ömed itäbez dide.
Törkiäneñ Yevropa Berlegenä kerü mäsäläse Fransiädä Berlek parlamentına ütkärelgän saylaular da xalıqnı bülgän tema buldı. Bügen sul yünäleşle Liberation basması yazuınça ,Britaniä, Germaniä häm İspaniäneñ yaqlauın alğan Törkiä öçen Fransiä in zur kirtä bulıp qala.Fransiädä yäşellärne küzdä totmağanda başqa säyäsi partiälär Ankaranıñ Berlekkä kerüenä yä qarşılıq kürsätä yä dä bu mäsälädä pozitsiäsen nıqlap beldermi. Bu säfärneñ başqa iqtibar cälep itkän ber küreneşe isä premyer häm ministırlarnıñ berseneñ dä xälel cifätläreneñ säfärgä qatnaşmauı. Möselmança yaulıq bäylewçe xelel cifätlär küräsen Fransiäneñ yaulıqqa qarata alergiäsen küzdä totıp,öydä qalunı uñayraq kürgänder.Fransiäneñ säyäsi partiäläre 70million möselmannıñ Berlekkä quşıluın tarixi yaqtan da cäğräfik yaqtan da aqlap bulmıy dip äytä. Sotsialistik partiä ğomumän alğanda Ankaranıñ äğzalağın , Erdoğan reformaların yaqlasa da, ul aşığıp qarar qabul itügä qarşı ayruça ul ğosmanlı däwläte waqıtında üterelgän ärmännär mäsäläsen Törkiä tanırğa tieş dip belderä. Prezident Chiraq Törkiäneñ yevropa äzğalığın yaqlasa da, anıñ üz partiäsendä konsensus yuq bu mäsälädä. Bügen Fransiä tışqı eşlär ministırı Michel Barnier Radioğa birgän ängämädä Törkiädäge alğa kiteşkä yuğarı bäyä birsä dä bez döres itep äytergä tieşbez , Törkiä irtägä Yevropa berlegenä quşılmayçaq. Aña qädär ul baytaq ozın yuldan ütergä tieş. Ul xäzer şul suqmaqtan bara , üzen äzerli häm progress yasıy dip söyläde. Tayyip Erdoğan kiçä Yevropa Berlege cemäğätçelegeneñ Törkiä turındağı debatlardağı fikre turında bolay dide(audio) İstanbuldağı NATO summitında Chiraq miña Fransiä xalqınıñ 50-60%tı Törkiäneñ Berlekkä kerüen yaqlıy dip äytkän ide.
Premyer Erdoğan bügen fransuz eşmäqärläre belän irtänge çäydä oşraşıp söyläşte. Törkiä THY öçen yaña oçqıçlar alırğa cıyına ul Yevropada Airbus şulayuq Amerikada Boeng şirkäte belän söyläşülär alıp bara. Köndezge aşta prezident Chiraqnıñ qunağı bulğan Erdoğan , prezident belän söyläşülärebez bik yaxşı ütte, min annan yaqlaunıñ däwam itüen soradım dide . Premyer säfäre irtägä tämamlana.
färidä xämit,praga
färidä xämit,praga