Accessibility links

якшәмбе, 11 декабрь 2016, Казан вакыты 12:58

Belarus: referendum näticälärenä qarata protestlar dewam itä


Belarusta yäkşämbedä ütkärelgän parlament saylawları häm konstitutsiä referendumı näticälärenä qarata protestlar dewam itä. Xakimiätlär älegäçä 12 keşene şulsanda sişämbe kiç qarşılıq kürsätü cıyınına qatnaşqan qayber opozitsiä citäkçelären törmägä yaptı. Alarğa 10nan alıp 15köngä qädär törmä cazası häm ştraf salınğan.Opozitsiä yäkşämbedä könge tawış birüdä xärämläşelde dip belderä. Könbatış küzätüçeläre dä tawış birü xalıqara demokratik standartlardan yıraq ide digän qaraşta.

Yäkşämbedäge tawış birügä qarata protestlar däwam itä.Kiçä kiç Minskidä, Yevropa Berlege bayrağı, ''zalim xakimiätne beterergä '' dip yazılğan plakatlar kütärgän 500çaması keşe başqalanıñ üzäk mäydanınnan zur uramğa taba (audio) Lukaşenkosız, Lukaşenkosız dip qıçqırıp bardı. Saylaw komisiäse räsmilärenä kürä, referendumda tawış birüçelärneñ 77% prezidentlıq möddätenä quyılğan çikläwne beterüne yaqlap çıqqan.. Bu inde 1994nçe yıldan birle Belarus belän idarä itkän Lukaşenko 2006nçe yılda yañadan prezidentlıqqa namzätlegen quyaçaq digän süz . Referendum belän bergä ütkärelgän parlament saylawlarında opozitsiä ber genä urın da alalmağan.Belarus eçke eşlär ministırı Vladimir Naumov militsiä belän bulıp alğan bäreleştän soñ 46keşe şulsanda Berläşkän Watandaşlar Partiäse citäkçse Anatoly Lebedko häm opozitsiäneñ ike başlığı Nikolay Statkevic belän Pavel Severinets qulğa alındı dip belderde.Minskidä urnaşqan İçtimağıy-İqtisadi häm Säyäsi Tikşerenülär İnstitutı direktorınıñ urınbasarı Aleksander Sosnov (audio) yäşlär 2 kön qıynaluğa qaramastan cıyılırğa däwam itä .Alarnı yäşlär genä tügel ä Statkevic häm Lebedko kebek säyäsätçelär dä yaqlıy dide Kiçä Lebedko yaralandı, anı xastaxanägä saldılar Lebedkonı qulğa alğaç, anı qıynağannar , qabırğa söyekläre sınğan.Sosnov küp kenä belaruslar saylawlarda xärämläşülär buluın añlıy, ämma protest belderergä qurqa dip äytä Sosnov(audio) xalıq qurqa, xalıq törle mäxsus xezmätlär tarafınnan qurqıtılğan .İn qıyuları ğına protest belderä,şunlıqtan sannar bik az. Yevropa Berlege Belarustağı wazğiätkä borçılu belän qarıy.Yevropa Parlamentnıñ Belarustan yaña ğına qaytqan polak äzğası Bogdan Klic bügen Brükseldä bolay dide(audio) Belarusta sotsial kierenkelek arta ala.Yevropa Berlege yaqın kiläçäktä könçığış çiklärenä yaqın tınıçsızlıqlar bula alaçağın belergä tieş. Klic Yevropa Berlegenä Belarusta içtimağıy oyışmalarnı , bäysez mätbuğatnı yaqlarğa kiñäş itä.Klic Berlekneñ tışqı mönäsäbätlär komissarı Cris Pattengä Belarusqa tapşırular yasağan bäysez radio häm bälkim televidiniä stansiäse oyıştırunı finansiäläwne sorap xat yazuın äytte .Yevropa Parlamentı kiläse atnada Belarus mäsäläsen qarıyaçaq. Diplomatlar noyäber ayında tışqı eşlär ministırları oçraşuında Belarustağı xällär häm bälkim dä sanksiälär kertü eşe tikşereler dip äytä färidä xämit
XS
SM
MD
LG