Accessibility links

шимбә, 10 декабрь 2016, Казан вакыты 13:55

AQŞ däwlät sekretarı Powell urnınnan çigende. Urta yulda torğan möhim şäxes kitte


AQŞ Dävlät sekretarı Colin Powell , Buş administratsiäseneñ iñ tanılğan häm xörmät itelgän ağzası ide. Powell vazıyfasınnan kitärgä buldı häm Buş bu urınğa üzenneñ Milli İminlek buyınça kiñäşçese Condoleezza Ricene bilgeliäçäk dip kötelä. Dävlät sekretarı kem genä bulmasın Powellneñ varisı bulu ciñel bulmayaçaq.

Powell varisı urnın alğançığa qädäre üz vazıyfasın urnına citkerep ütiäçäge turında Buşnı kündergän . Ul bu turıda Düşämbedä jurnalistlar belän oçraşqanda da äytte.

Audio

"Min soñğı mizgelgä qädäre bik nıq eşliäçägemä sezne künderäm. Min prezident Buşqa häm amerikan xalqına millätemä xezmät itü mömkinlegen birgännär eöçen raxmät belderäm."

Çınnan da Powell vazıyfasınna kitäçägen beldergän köndä, İzraeil tışqı eşlär ministere Silvan Şalom belän oçraştı, çit il diplomatları aldında çığış yasadı. Bu atnada Aziä Tın Okeanı ekonomik konferensiäsenneñ summitına qatnaşır öçen Çiligä kitäçäk . Kiläse atnada Ğıraqqa bağışlanğan xalıqara forumda qatnaşu öçen Misırda bulaçaq. Powell Buş xökümätendä konservativlar, visi-prezident Çeyney, milli iminlek buyınça kiäşçe Rice , saqlanu ministere Rumsfeld häm baş prokuror dip atalğan Yustitsiä ministere Aşkroft belän çağıştırğanda kileşüçäneräk minister ide. Powelneñ törle mäsälälärdä, mäsälän Ğıraqqa qarşı suğış mäsäläsendä Çeyney häm Rumsfeld belän fiker ayırmalıqları bulğan. Ul şulay uq Buş administratsiäsenneñ İzrael-Fälästin tınıçlıq protsesında tübän däräcädä qatnaşuı belän dä qänğät bulmağan. Powell Düşämbedä yasağan çığışında qorallı köçlärdä başlanğan, dürt yoldızlı general häm ştap başlığı däräcäsenä qädär kütärelgän xärbi karyerası , şulay uq dävlät sekretarı bularaq xezmät itkän çorda qıyınlıqlarğa oçrağanın iqrar itte.

Audio

"Bu vazıyfalarnı ütägändä yuğarı häm tübän noqtalar buldı. Xökümättä eşlägändä, yäisä tormışta problemmalarnı xäl qılu öçen tırışırğa kiräklegen öyränäseñ. Mömkinleklärdän faydalanırğa kiräk, krizislar belän eş itärä kiräk. Min üzemneñ içtimaği tormışımda menä şulay yäşärgä tırıştım."

Dävlät sekretarınıñ çit illärdäge kolegaları belän ğädättä monäsäbätläre yaxşı ide . Läkin, Powellneñ Ğıraqqa intervensiä aldınnan İminlek Şurasında yasağan çığışında, Saddam Xösäinneñ massa küläm yuq itü qoralları bar digän argumentınnan soñ qayber illärneñ tışqı eşlär ministerläre belän mönäsäbäte kierenkelände. Mäğlüm bulğança andıy qorallar tabılmadı. Xalıqara tınışlıq buyınça Carneigie Endowment Üzägendäge Demokratiä häm Qanun Xakimiäte programnması direktorlarınıñ berse Tomas Carothers aña xayran bulğannarnıñ küzendä Powellneñ abruy şul säbäple töşkän bulsa da, anıñ bareber Buş xökümätendä utıruı kileşüçäneräk element bar digän ömet tudırğan ide digän fikerdä. Carothers radiobız xäbärçesenä birgän ängämäsendä, qatıraq ideologiä taraftarlarınıñ täsire artaçaq dip AQŞta häm berektäş illärdä borçıluçılar öçen Poellneñ kitüe zur yuğaltu bulıp tora dip äytte.

Audio

"Buş administratsiäsendä Yevropa, Yaqın Köçığış häm Aziädäge berektäşlärebezneñ borçıluların citdigä alğan hiç bulmağanda ber şäxes bar digän ışanıçnı yuğalttıq."

Anıñ süzlärençä, amerikanıñ berektäşläre Powellneñ üzenä tügel, ä anıñ Buş administratsiäsendäge qatı-qul taraftarlarına qarşı tora aluına ışanıçnı yuğalttılar.

Audio

"Dönya Powellneñ prezidentqa täsir itä aluına ışanıçnı yuğalta bardı. Dönya öçen qayğılı yuğaltu. Läkin, küplär kitär öçen vaqıt citte dip tä iqrar itälär. Anıñ Ğıraq suğışı, Fälästin-İzrael kebek mäsälälärdä ireşkännären yomğaqlasañ, Powellneñ xökümättä ber nindi dä möhim köräştän ciñep çığa häm prezidentqa täsir itä almağanın küräseñ."



Läkin, Powell Buşqa çigenü xatında ükenüen yazmağan. Ul Afğan häm Ğıraq xalqın azat itkän , terrorğa qarşı suğış alıp barğan, atom toş qorallarnııñ cäyelüenä diqqätne cälep itkän, dönyada fäqirlek häm xastalıq mäsäläse belän şöğellängän komandanın ber ağzası buluı belän ğorurlanuın bäyan itkän.

Färit İdelle, Praga.
XS
SM
MD
LG