Accessibility links

якшәмбе, 4 декабрь 2016, Казан вакыты 09:20

2005neñ 3 üktäberendä Yevropa Berlege Törkiä belän äzğalıq söyläşüläre başlayaçaq


Yevropa Berlegeneñ 25ile, atnakiçtä Ankarağa äğzalıq söyläşüläre başlaw täqdime yasasa da, söyläşülär başlanğançı NATOnıñ töp berektäşenä Kiprnı de fakto tanığan kileşügä qul quyu şartın alğa sörde.Törkiäneñ moñı kire qağuınnan soñ taraflarnıñ abruyına tap töşermi summitnı tämam lau öçen qızu diplomatik tırışlıqlar alıp barıldı

Yevropa Berlegeneñ atnakiçtä başlanğan ike könlek summitında citäkçelär kiläse yılnıñ 3nçe üktäberendä Törkiä belän söyläşülär başlaw turında kileşte . Bu turıda Berlekneñ prezidentı Gollandiä premyer ministrı Jan Peter Balkanende bolay dip belderde(audio) Yevropa Berlege citäkçeläre Yevropa Komissiäseneñ Kopenhagen säyäsi qısaların analizlaw nigezendä Törkiä belän söyläşülär başlarğa qarar birde. Söyläşülär kiläse yılnıñ 3nçe üktäberendä başlayaçaq. Äğzalıq söyläşüläre 10-15yıl däwam itäçäk. Balkanende pendeşämbe kiç bez bu qararnı Yevropa Komisiäseneñ üktäber ayında Törkiä Berlekkä kerü öçen taläp itelgän Kopenhagen qısaların ütäde digän xisabına tayanıp birdek digän ide.Balkanende däwam itep bolay dide(audio) Söyläşülärneñ mäqsatı närsä. Mäqsat berlekkä kerü.Ämma Yevropa Komisiäseneñ xisabında işarä itelgänçe näticä öçen garantiä yuq.Ägär dä söyläşülärdä äğzalıq mömkin tügel digän wazğiät xasıyl bulsa , xisapta äytelgäneçe namzät il Yevropa strukturasına bäylänergä tieş. Bu süzlär älbättä Avstriä häm Fransiä citäkçelärenä Törkiä äğzalığına şiklänep qarawçı xalıqnı tınıçlandıru mömkinlege birä Balkanende atnakiçtä bez premyer Erdoğan belän Kipr mäsäläsendä comğa irtän söyläşergä däwam itäçäkbez digän ide. Törkiä yağı comğa irtän Ankara tulı äzğalıqtan kimräk ber närsägä dä riza bulmayaçaq häm Kiprnı tanımayaçaq dip äytkäç Brüsseldä premyer Erdoğannı künderü öçen ikele söyläşülär başladı. Berlek citäkçeläre berberse artınnan Erdoğan yäşägän qunaq yortına barıp kilde. İsemeneñ belenüen telämägän ber törek diplomatınıñ äytüenä qarağanda Erdoğan Balkanendegä könyaq Kiprdağı 600meñ grekne 70million törektän östentäk quydığız dip säyläwe turında xabär agentlıqları şawladı. Ul ğına da citmäde Törek NTV-se premyer Erdoğan öygä qaytıp kitä , ämma tışqı eşlär ministrı Brüsseldä qalaçaq dip äytsä dä, berniçä säğät ütkäç bu xabär dä üzgärde . Nixayät jurnalistlar Yevropa Berlege citäkçeläreneñ irtädän birle östendä eşlägän kompromis belderü häm Recep Tayip Erdoğannıñ mätbuğat oçraşuın kötä başladı. Ul arada Şwedsiä premyere Goran Persson (audio) Yevropa Berlege Törkiäne däğwät ite, ul äğza bulırğa teläsä qayber şartlarnı qabul itergä tieş. Kipr bilgele bulğança 1974nçe yıldan birle ikegä ayrılğan. Anıñ Könyağı-grek yağı xalıqara tanıla häm ul may ayınnan birle Yevropa Berlege äğzası. Tönyaq Kipr Törek Cömxöriäten isä Ankara ğına tanıy. Bıyıl başlarında utrawnı berläşterü turında ütkärelgän referendumda greklar qarşı tawış birgän ide. Brüssel summitında töp mäsälä töreklär äytmeşle Kipr töyeneñ çişü buldı. Kiçke taba Premyer Erdoğan mätbuğat wäkillärenä Berlek citäkçeläre belän Kipr turında kileşkän buluın belderde. färidä xämit
XS
SM
MD
LG