Accessibility links

пәнҗешәмбе, 8 декабрь 2016, Казан вакыты 19:06

NATO saqlanu ministırları Nice''ta Ğıraq häm Äfganstan mäsäläsenä ähämiät birde


NATO saqlanu ministırlarınıñ kiçä Nizzada başlanğan ike könlek oçraşuı bilgele bulğança 22nçe fevraldä Brüsseldä prezident Bush qatnaşlığında ütäçäk häm säyäsi qararlar qabul iteläçäk NATO summitına äzerlek eçtälegendä. Räsmi bulmağan oçraşuda tikşerelgän mäsälälärdän berse xärbi berektäşlekneñ Ğıraqlı ğäskärilärne künegülärdän ütkärü eşen tizlätüe.. Ähämiät üzägendä torğan başqa ber mäsälä isä Äfganstannıñ säyäsi kiläçäge .Saqlanu ministırları ayruça NATO citäkçelegendäge köçlärne Äfganstannıñ könbatışına cäyelderü eşen qarıy.

NATO räsmiläre iyün ayında yılına meñ ğıraqlı xärbinı künegüdän ütkärü turında kileşsä dä , älegä bu ğämäl başlanmağan. Waşington berektäşlekne bu eşne tizlätergä çaqıra. Bügen Yevropa yulçılığın tämamlağan däwlät sekretarı C:Rice Ğıraq mäsäläsendä alians eçendä yaña ahäñ bar dip äytkän ide. Nizza cıyılışına qatnaşqan AQŞ saqlanu ministırı D.Rumsfeld wazıyfadaşların Ğıraq iminlek köçlären öyrätü planın tizlätü öçen qıyulandırırğa tırıştı

Rumsfeld(audio)

Bezneñ kebek Ğıraqta mäşğül bulsağız eşlärneñ tizlektä baruın telär idegez.Bez ğıraq köçläreneñ künegüdän ütep, qorallanuı häm ilneñ iminlek eşlärendä cawaplılıqnı üz östenä aluı öçen aşığabız.

NATO älegäçä cibärergä tieşle 300 ofitsernıñ 80 genä cibärde.Sonğı çiktä künegädän ütkän bu ğäskärilär cawaplılıqnı üz östenä alaçaq, AQŞ häm Britan xärbiläre Ğıraqtan çığıp kitäçäk.Ğıraqnıñ waqıtlı xökümäte çit il ğäskäriläre bıyıl azaqlaırnda çığıp kitä başlar dip ömed itä.Waqıt grafikasınıñ ütälüe NATOnıñ künegülär programması belän nıq bäylängän.Analitiklarnıñ küpçelege iminlek wazığiäteneñ yaxşırıp 170meñ çit il xärbieneñ çığıp kitüı öçen 4-5 yıl waqıt kiräk dip uylıy.Äytelgäneçä Nizzadağı räsmi bulmağan oçraşuda ber nindi qararlar birelmi, qararlar 22nçe fevraldä däwlät häm xökümät citäkçeläre tarafınnan Brüssel sumitında qabul iteläçäk. Ämma NATO general sekretarı

Hoop De Scheffer(audio)

Min mömkin märtäbä tizräk bulu mäqsatın quysam da, iñ soñ 22nçe fevraldä NATonıñ barlıq äğzaları künegü missiäsenä öleş kertäçäk. Belgänegezçä Ğıraqta yäki Ğıraqtan çittä yäisä NATO aşa finansiäläv belän künegü eşen oyıştıru mömkin.

NATOnıñ qayber äğzaları alar arasında ispanya, Gretsiä Belgiä häm Luxemburg Nizza cıyınınnan elek NATOnıñ künegü missiäsenä qatnaşmayaçaqların belderde. Ämma bu ilneñ räsmiläre planğa veto salmayaçaqların äytte. Fransiä dä elegeräk Ğıraq personalen künegüläredän ütkärü eşenä öleş kertmiäçägen beldergän ide. Ämma Nizza oçraşuınıñ öy xucası Fransiä saqlanu ministrı kiçä Paris Qatarda politsiäne öyrätü eşlärenä qatnaşa ala digän ide.Bagdad älegäçä bu täqdimgä cawap qaytarmağan. Däwlät sekretarı C.Rice kiçä Brüsseldä NATOnıñ tışqı eşlär ministırları belän oçraşqannan soñ Jaap De Hoop Scheffer Äfganstannıñ säyäsi kiläçäge alians öçen möhim prioritet bulıp tora dip äytte. Ul NATO üktäber ayında ütkärelgän prezident saylawlarında iminlekne tämin itkän kebek yaz aylarında Äfganstanda bulaçaq parlamant saylawların da yaqlayaçaq dip äytte. NATO General sekratarı bu ayda Nizza häm Brüsseldä Prezident Qarzai aldında torğan problemalarnı çişüdä yardäm turında trans-atlantik mäslixätläşüläre bulaçaq dip söylägän. Problemalar arasında Äfganstandağı suğışçan törkemnärne qoralsızlandıru häm narkotik kontarbandasına qarşı köräşüne telgä alıp bula. Sonğı xabärlärgä qarağanda Nizzada , AQŞ häm yevropalı berektäşlär östemä xärbilär täqdim itkännän soñ, Äfganstanda tınıçlıq saqlaw köçlären ilneñ könbatışına taba cäyelderü turında kileşelgän..Bu xaqta Nato general sekretarı belderde färidä xämit
XS
SM
MD
LG