Accessibility links

шимбә, 10 декабрь 2016, Казан вакыты 19:48

Dresdenneñ bombalanuına 60yıl


Dresden ber waqıtlarnı Yevropanıñ in matur şähärlärennän berse ide.Barok arxitekturanıñ äncäse , Elbä yılgasındağı Florensiä dip yöretelgän şähär monnan 60yıl elek 13nçe fevraldä Britan oçqıçları tarafınnan bombalana başladı 2 kön däwam itkän bombalauda Könçığış Germaniäneñ şul şährendä taş östendä taş qalmadı, uñmenärçä sivil häläk buldı. Sonğı yıllarda neo natsiälär şuşı waqıyğäne simvol itep alıp demonstratsiälär ütkärä başladı. Bügen dä alarnıñ meñnärçäse ''bombalauçı holocaust dip atağan şuşı waqıyğäne iskä alu öçen demonstratsiä ütkärde.

İkençe böten Dönya suğışınıñ betüenä 60yıl ütsä dä äle dä Dresdendä suğış yaraların,xarabälärne kürep bula Ämma bügen şähärdä 5meñ çaması ütä uñçılar ütkärgän demonstratsiä yaralarnıñ in yamanıdır. Cıyınnı Milli demokratik Partiä häm eksterm uñnnar oyıştırdı. Alar bigräk tä suğış waqıtnda Dresden häm başqa şähärlärneñ bomabalanuına iqtibar cälep itmäkçe. Taqır başlı, qara bişmät kigän qullarında qara hava tupları totqan , kükräklärendä ber qayçan da onıtma, ber qayçan da kiçermä dip yazılğan broşkalar qadağan bu keşelär Dresden urtasınnan ütteü .Kansler Schröder häm başqa citäkçelär neo-natsilärneñ paradın tuqtata almadı. Bu şähär xalqı öçen dä küñelle xäl tügel ide. İke yıl elek Germaniä basması Bild elek kürelmägän yazmalar basıp çığara başladı Anda berektäşlärneñ alman şähärlären bombalauı tänqitlände. Tarixçı Joerg Friedrich Ut isemle kitabında Britan xökümäte qatı bomabalaular oyışıtırıp mömkin bulğan qädäre küp sivillärne üterergä tırıştı dip yazdı.Friedrich häm annan elek başqaları Dresden Germaniädä xärbi ähämiäte bulmağan şähär ide häm Germaniä 45nçe yılnıñ fevralendä inde çigenergä başlağan ide dip yazdılar. Bügenge demonstratsiägä qatnaşqan 50yäşlär tiräsendäge Mario Lafur bezneñ xabärçegä tuğan şähreneñ bombalanuın tezlängän xäyerçeneñ başın çabu belän tiñläşterde.

Lafur (audio)

Bügen Dresdennıñ bombalanuınıñ 60yıllığı. Bügen almannarnı ğına uylıy torğan kön. Minemçä xalqım turında uylaw normal xäl. Bügen üterelgän almannar turında uylıy torğan kön.

Ütä uñnarnı tänqitläwçelär , alar Germaniäneñ 2nçe böten dönya suğışın başlawın häm küpläp sivil keşelärne üterüen Atwerp, Coventry Warşawa kebek şähärlärne berençe bulıp bombalauların aqlarğa tırışa di. Yähüd törkemnäre Dresdendä uñmännärçä keşeneñ üterelüen 6million yähudneñ neo natsilär tarafınnan sistematik räweştä yuq itelüe belän çağıştırıp bulmıy dip belderä.Yäkşämbedä neo natsiälär Dresdende parad ütkärde.Ütä uñ NPD- Milli demokratik partiäneñ Könçığış Germaniädäge yuğarı eşsezlek prosentları säbäple popularlıq qazanıp , ütkän közdä Saksoniäneñ cirle parlamentına -Landtagqa kerep utırıuına kitergän ide . NPD kiläse yılda federal parlamentqa kerergä omıtıla

färidä xämit
XS
SM
MD
LG