Accessibility links

чәршәмбе, 7 декабрь 2016, Казан вакыты 01:04

Ğıyraqta saylawlarda ciñep çıqqan şığılar östenlek itkän blok koalitsion xökümät oyıştıru öçen berektäşlär ezli


Bilgele bulğança Ğıraqta täsirle şığı ruxaniläre tarafınnan yaqlanğan Berläşkän Ğıraq İttifağı birelgän tawışlarnıñ 48%ın alıp yaña parlamenttağı urınnarnıñ küpçelegenä iä bula..Şulay itep Ğıraq tarixında berençe märtäbä şığı cämäğätçelege traditsion xakimdar sönni sıynıfı östennän xakimiät urnaştıra. Şulay da ciñü ber üze xökümät oyıştıru öçen citärlek tügel. Berläşkän Ğıraq İttifağı koalitsion xökümät oyıştıru öçen kemnärne berektäş itep saylıyaçaq. Bu mäsälä qızu debatlarğa häm törle spekulativ fikerläreneñ taraluına säbäp bulıp tora

Ğıraq iminlek kiñäşçese Mowaffaq al Rubaie jurnalistlarğa yäkşämbedä saylaw näticäläre iğlan itelgännän soñ, bolar ildäge säyäsi yarışnı kürsätä. Ğıraqlılar berençe märtäbä irekle saylawlarda tawış birde , saylawlar irekle häm ğädel ütte dip söylägän. Saylaw näticäläre ayatolla Ali äs-Sistani tarafınnan yaqlanğan Berläşkän Ğıraq İttifağınıñ 48% tawış aluın kürsätä. 275urınlı parlamentta ul absolut küpçelekkä iä tügel İkençe urında 26% Körd blogı häm 3.urında ,13,5% belän waqıtlı premier Allawinıñ berektäşläre tora. Yäkşämbedä iğlan itelgän saylaw näticälärenä qarata 3 kön şiqäyät belderü mömkin. Saylaw komisiäse şiqäyätlärne tikşerä. Saylaw näticäläre şunnan soñ ğına raslanaçaq. Analitiklar ciñüçe 3 törkem öçen köçle berektäşleklär oyıştıru töp mäsälä bulıp tora di. . Prezident häm anıñ ike yardämçesen parlametnıñ öçtän ikese raslarğa, ä misal öçen premyer, kabinet äzğaları , yäki ışanıç tawışı öçen ğadi küpçelek citä. Berläşkän Ğıraq İttifağnıñ zur öleşe , şığılarnıñ törle dini partiälärennän torsa da anda sekular şığılar şulayuq azçılıqtağı sönni häm başqa törkem äzğaları da bar.İttifağ äle üz törkemen saqlap qalıp ,parlamentta mömkin bulğan qädäre küp urın alu öçen tırışırğa tieş.Bagdadta xalıq şulayuq tanılğan şäxeslärneñ fikerlären işettergän Dicle radiosınıñ direktorı Axmäd al Rikaby qaraşınça Berläşkän Ğıraq İttifağı bälkim dä berençe bulıp sekular şığı premyer Allawi törkeme belän elemtägä kerer. Allawi törkeme saylaw näticälärendä 3nçe urında torsa da aña potensial partnör dip zur ähämiät birelä. Ütkän atnada körd säyäsätçeläre añı başqa ilneñ vizit belän kilgän däwlät başlığı kebek qarşı aldı.

Al Rikabi(audio) Allawi fäxri karaul belän qarşı alındı .Aña kürşe ilneñ prezidentına kürsätelgän xörmät kürsätelde.Bolar kördlärneñ üz mänfäğätläre öçen Allawinı cälep itü tırışlığın çağıldırdı Minemçä bu misal bezgä Ğıraq säyäsi säxnäsendä barğan eşlärgä işarä itä.

Berläşkän Ğıraq İttifağı kördlärne dä cälep itä ala. İttifaqnıñ töp lidere Abdul Aziz al Hakim Ğıraqta İslam İnqilabı öçen Yuğarı Şuranıñ citäkçese . Bu ay başlarında ul kördlär belän berektäşlek däwam itä digän ide. Rikaby qaraşınça İttifaq , Parlamentta bik az urın alğan keçkenä partiälär belän dä berektäşlekkä bara ala .Misal öçen waqıtlı sönni prezident al Gazinıñ 4.urında torğan partiäse , Törekmän partiäse yäki urtaçıl islamçı partiälär .. Rikaby Ğıraqta koalitsiä oyıştıru qıyınraq , di

Rikaby(audio)

Bügen kürgän barlıq törkemnär Ğıraq opozitsiäsen täşkil itte . Alar berberse belän yıllarça eşläde, berbersen yaxşı belä.Minemçä kiläçäktä bulaçaq xällär ütkändägenä nıq oşıyaçaq. Alar arasında kileşmäwçänleklär buldı ämma niçek kenä bulmasın alar berberse belän eşlärgä däwam itte.

Ğıraq saylawlarında ciñep çığuçılar ,üzläreneñ pozitsiäsen nığıtu öçen koalitsiä oyıştıru belän mäşğül, ämma elek säyäsi yaqtan östenlek itkän sönnilärne politik protsessqa qatnaştıru töp mäsälä bulıp qala .Saylaw näticäläre 30nçe ğıynuarda küpçelek sönnilärneñ iminlek yäki qabilä, ıru başlıqlarınıñ öndäwe belän saylawlarğa boykot iğlan itüen kürsätä .Tanılğan ğıraqlı säyäsätçelär parlamentqa sönnilärne kertergä tırışa.Parlamentnıñ töp eşe ilneñ yaña waqıtlı xökümäten saylaw häm ilneñ daimi konstitutsiäseneñ yazıluın qarap baru färidä xämit
XS
SM
MD
LG