Accessibility links

пәнҗешәмбе, 8 декабрь 2016, Казан вакыты 21:10

Qırğızstan oppozitsiäse xakimiatneñ parlament saylawlarındağı xärämläşüen kisken tänqitli


Qırğızstandağı oppozitsiä yäkşämbedä uzğan saylawlarnıñ berençel nätiçäläre iğlan iteler aldınnan başqala Bişkäktä häm ilneñ könyağında uram cıyınnarı ütkärä. Bişkäktä 500-läp keşe saylawlar xakimiat yağınnan xärämläşülär belän uzdı, östäwenä xökümättän bäysez mäğlümat çaralarınıñ awızın qaplaw tırışlıqları buldı dip zarlana. Qırğızstannıñ könyağında isä şuşı cıyınnarda berniçä meñ keşe qatnaştı dip xäbär itelä.

Qırğızstannıñ Demokratik xäräkäte, "Atayort" häm "Ar-Namus" partiäläre wäkilläre, yäşlärneñ "Kelkel" oyışması belän bergä Bişkäktä ütkärgän uram cıyınına "Ğadel saylaw ul yaqtı kiläçäk", "Süz ireklege öçen", "Härkemneñ dä awızın qaplıy almayaçaqçız" digän şiğarlär belän çıqqan ide. Nämzät bulıp terkälüdän mäxrüm itelgän häm şul säbäple saylawlarda qatnaşa almağan Roza Otunbayıva, "Atayort" citäkçelärennän berse, düşämbe cıyında bolay dip belderde:

Audio, Roza Otunbayıva

"Biredä bezneñ barıbız da ber fikerdä - bez yaña Qırğızstannı, ildä üzgäreşlär ütkärüne yaqlıybız" di qırğız oppozitsiäse citäkçese Roza Otunbayıva. Cıyında qatnaşuçılarnı berençe çiratta xakimiatneñ uzğan saylawlarda xärämläşülärgä baruı berläştergän ide. Oppozitsiädäge ikençe ber partiä, Qırğızstannıñ xalıqçan watandar xäräkäte başlığı Nurlan Motuyıv "Azatlıq" radiosına bu uñaydan bolay dip äytte:

Audio, Nurlan Motuyıv

"Bez monda xalıqqa ildä nilär bulıp yatuın, saylawlar waqıtında närslär buluın añlatu öçen cıyıldıq" di Motuyıv. Xakimiatneñ xärämläşüläre turında "Ar-Namus" oyışması citäkçese Emil Aliev tä belderä, ul prezident Äskär Aqayıvnıñ qızı - Bermet saylanğan bülgedä nämzät bulıp terkälgän ide.

Audio, Emil Aliev

"Xalıq biredä saylawlar turındağı fikerlären belderü öçen cıyıldı, çönki anda xärämläşülär buldı. Bu aldan uq, tawış birü isemlekläre tözelgändä planlaştırılğan ide häm ul saylaw könendä dä däwam itte - aqçalı nämzätlär xalıqqa küpläp rişwät birde. Bülgelärneñ küpçelegendä üzen saylatu öçen 200-250 meñläp dollar aqça sarıf itkän keşelär ciñde, aqça bu saylawlarda bik zur rol'' uynadı" dip belderä oppozitsiä wäkile Emil Aliev. Saylaw qanunı Qırğızstannıñ Coğorku Kiñeşe - parlamentına saylanu öçen nämzätneñ yartı million qırğız sumı, yäğni yaqınça 12 meñ 300 dollarğa qädär aqça sarıf itüne röxsätli. Oppozitsiä bu saylawlarda parlamenttağı 75 urınnıñ öçtän beren yawlarğa ömetlängän ide. Üzäk saylaw komissiäse älegä qädär, yäkşämbe könge tawış birügä qatnaşu xoquqı bulğannarnıñ 57 protsentı kilde dip xäbär itkän ide. İnde fikere yañğırağan Aliev, xäzer oppozitsiäneñ töp maqsatı - bar köçne 13-nçe martqa bilgelängän ikençe turğa yünältü dip belderä:

Audio, Emil Aliev

Uram cıyınnarında qatnaşuçılar şulay uq, xakimiatneñ tawış birü köne aldınnan ğına, qayber bäysez mäğlümat çaralarına kürgän çaralarına da näfrät belderde. Anda xökümät "Moya stolitsa-novosti" basmasın yaptı häm "Azatlıq"nıñ qırğız tapşıruları translätsiäsen tuqtattı. Xäbärlärdän işetüegezçä, Qırğızstandağı saylawlarnıñ xärämläşülär belän baruın Yevropada iminlek wä xezmättäşlek oyışması da tänqitläp çıqtı.

Kärim Kamal
XS
SM
MD
LG