Üzbäkstanda yaña ezärlekläwlär dulqını, xörmätle tıñlawçılar. Häm xäzer inde xakimiat elekke tösle, islam radikalların açıqlaw belän genä çiklänmi. Ezärlekläw yätmäsenä bu yulı, uzğan ayda Ändicandağı çualışlarnı häm xökümät köçläreneñ alarnı niçek itep bastıruın yaqtırtqan bäysez xäbärçelär häm keşe xoquqların yaqlawçılar da elägä. Qulğa alınğannar arasında, Londondağı Suğış wä solıx xäbärläre institutı häm İran radiosınıñ üzbäk tapşıruları öçen mäğlümat birep torğan Tulqın Qorayev ta bar. Elegräk "Azatlıq"nıñ üzbäk redaksiäse belän dä xezmättäşlek itkän şuşı bäysez xäbärçe uzğan şimbä könne Üzbäkstannıñ könyağındağı Qarşı şähärendä totqarlanğan. Anıñ qärdäşe radiobızğa bu xaqta bolay dide:
Audio, Qorayev
"Ul eçke eşlär ministrlığınıñ xezmätkärläre tarafınnan totqarlanıp, şunda uq mäxkämädä xökem dä itelde. Şuşı yala öçen xakimiat ber xatınnı qullanğan, şunıñ kürsätmälärenä nigezlänep anı tärtip bozuda ğäyeplägännär, min başqasın älegä belmim" dip söyli Tulqın Qorayevneñ qärdäşe. Üzbäkstannıñ bäysez Keşe xoquqları cämğiate birgän mäğlümatqa qarağanda, autabus tuqtalışında Qorayevka häm anıñ belän bulğan dustına ber xatın taşlanğan häm ul soñraq xäbärçene xuliganlıqta ğäyepläp militsiägä möräcäğät itkän. Keşe xoquqları cämğiate üz äğzalarına qarata kürelgän qırıs çaralar turında da xäbär itä. Qolayev totqarlanğan könne, yäğni şimbädä cämğiatneñ Sämarqandtağı äğzası Nurbay Qolcegetev tä qulğa alınğan. Monıñ niçek buluın radiobızğa Qolcegetevneñ ulı Xäyätulla belderde:
Audio, Xäyätulla Qolcegetev
"4-nçe yün könne, tönge 11-lär-12-lär tiräsendä bezneñ öygä mäxällä başlığı kilde, häm ätiem belän alar ikese kürşe awılğa dip çığıp kitte. Andağı çäyxanädä utırğanda Üzbäkstannıñ iminlek xezmäte keşeläre aña boğaw salıp qulğa alğannar, anıñ belän bergä cirle mäktäpneñ uqıtuçısı Ğabdelsattar Erzayev tä totqarlanğan" dip xäbär itä Nurbay Qolcegetevneñ ulı, atasınıñ qulğa alınuı turında. Tuğannarı äytüenä qarağanda, alar anıñ xäzer qayda buluın belmi. Üzbäkstannıñ Keşe xoquqları cämğiate wäkile Äbcälil Boymatov, şuşı qırıs çaraları belän xakimiat üzen tänqitläwçelärneñ awızın qaplarğa tırışa, Qolcegetev şundıy aktivistlarnıñ berse ide dip belderä.
Audio, Äbcälil Boymatov
"Qolcegetev üze dekxan, igençe, häm ul igençelärneñ xoquqların yaqlağan keşe. Ul küp kenä qarşılıq çaralarında qatnaştı, alarnı oyıştıru öçen Taşkentqa da bardı, yäğni xökümät belän yış qına çäkäläşte" di keşe xoquqları aktivistı Äbcälil Boymatov. Räsmi xakimiatne tänqitläwçelär küpläp uzğan şimbägä qädär ük yuğala başlağan ide - bu xaqta xäbärlär Üzbäkstannıñ Ändican, Cizzaq şähärlärennän alındı. Ğomumän, Ändican waqiğälärennän soñ ildä 100-gä yaqın keşe totqarlandı digän farazlar belderelä.
Kärim Kamal
Audio, Qorayev
"Ul eçke eşlär ministrlığınıñ xezmätkärläre tarafınnan totqarlanıp, şunda uq mäxkämädä xökem dä itelde. Şuşı yala öçen xakimiat ber xatınnı qullanğan, şunıñ kürsätmälärenä nigezlänep anı tärtip bozuda ğäyeplägännär, min başqasın älegä belmim" dip söyli Tulqın Qorayevneñ qärdäşe. Üzbäkstannıñ bäysez Keşe xoquqları cämğiate birgän mäğlümatqa qarağanda, autabus tuqtalışında Qorayevka häm anıñ belän bulğan dustına ber xatın taşlanğan häm ul soñraq xäbärçene xuliganlıqta ğäyepläp militsiägä möräcäğät itkän. Keşe xoquqları cämğiate üz äğzalarına qarata kürelgän qırıs çaralar turında da xäbär itä. Qolayev totqarlanğan könne, yäğni şimbädä cämğiatneñ Sämarqandtağı äğzası Nurbay Qolcegetev tä qulğa alınğan. Monıñ niçek buluın radiobızğa Qolcegetevneñ ulı Xäyätulla belderde:
Audio, Xäyätulla Qolcegetev
"4-nçe yün könne, tönge 11-lär-12-lär tiräsendä bezneñ öygä mäxällä başlığı kilde, häm ätiem belän alar ikese kürşe awılğa dip çığıp kitte. Andağı çäyxanädä utırğanda Üzbäkstannıñ iminlek xezmäte keşeläre aña boğaw salıp qulğa alğannar, anıñ belän bergä cirle mäktäpneñ uqıtuçısı Ğabdelsattar Erzayev tä totqarlanğan" dip xäbär itä Nurbay Qolcegetevneñ ulı, atasınıñ qulğa alınuı turında. Tuğannarı äytüenä qarağanda, alar anıñ xäzer qayda buluın belmi. Üzbäkstannıñ Keşe xoquqları cämğiate wäkile Äbcälil Boymatov, şuşı qırıs çaraları belän xakimiat üzen tänqitläwçelärneñ awızın qaplarğa tırışa, Qolcegetev şundıy aktivistlarnıñ berse ide dip belderä.
Audio, Äbcälil Boymatov
"Qolcegetev üze dekxan, igençe, häm ul igençelärneñ xoquqların yaqlağan keşe. Ul küp kenä qarşılıq çaralarında qatnaştı, alarnı oyıştıru öçen Taşkentqa da bardı, yäğni xökümät belän yış qına çäkäläşte" di keşe xoquqları aktivistı Äbcälil Boymatov. Räsmi xakimiatne tänqitläwçelär küpläp uzğan şimbägä qädär ük yuğala başlağan ide - bu xaqta xäbärlär Üzbäkstannıñ Ändican, Cizzaq şähärlärennän alındı. Ğomumän, Ändican waqiğälärennän soñ ildä 100-gä yaqın keşe totqarlandı digän farazlar belderelä.
Kärim Kamal