Rice monı yäkşämbedä premyer-ministr Ariel Şaron belän oçraşqannan soñ Yirusalimdä ütkärelgän matbuğat oçraşuında äytte.
Audio, Condoleezza Rice
"İzrail häm fälästin üzidaräse Gazadağı yähüd utarçıları yortların cimerergä buldı, şulay itep alar bergäläşep yortlarnı sütü häm çistartu plannarın eşlärgä tieş bulaçaq. Alarğa bu eştä Quşma Ştatlarnıñ maxsus wäkile Wolfensohn bulışaçaq. Fälästin xakimiate xäzer andağı cirlärne, Gaza keşeläreneñ iqtisadi ixtiaclarına turı kiterep faydalanu planın äzerli" di amerikan däwlät sekretare Rice. Yähud utarlarındağı yortlarnı cimerüne fälästin yağı taläp itkän ide. İzrailneñ Gaza sızığında 21 utarı bar, andağı yähüdlär awgust urtalarınnan başlap kire İzrailgä küçerelgännän soñ fälästin üzidaräse utarlar urınında, ğailä äğzaları kübräk bulğan fälästinlelär öçen küpqatlı yortlar qorırğa cıyına. İzrail matbuğatında kürengän mäğlümatqa qarağanda, cimerü çüp-çarı Gazanıñ üzendä diñgez portın tözü eşendä faydalanılaçaq. Condoleezza Rice şuşı kileşülärne İzrail häm fälästinlelär öçen ifrat ta möhim ber qazanış dip sanıy:
Audio, Condoleezza Rice
"Bez ber mizgelgä genä artqa çigenep bu kileşülärneñ İzrail premyer-ministrı häm anıñ xökümäte, bar İzrail xalqı öçen qıyu wä awır ber adım bulıp toruın, ikençe yaqtan fälästin keşeläre öçen dä monıñ, demokratik, bäysez, tormışçan fälästin däwläten qoru şartlarına yul açaçaq möhim ber adım buluın tanırğa tieşbez" di amerikan däwlät sekretare. Läkin İzrail premyer-ministrı Ariel Şaron yäkşämbedä yänä ber märtäbä üzeneñ elekke fikeren qabatladı - fälästin üzidaräse Könbatış Yar häm Gaza sızığındağı radikal'' törkemnärne qoralsızlandırmıy häm taratmıy torıp, bäysez fälästin däwläten qru yünäleşendä bernindi dä täräqqiat bulmayaçaq. Fälästin citäkçese Mäxmüt Abbas İzrail xökümäteneñ şuşı qatği şartın kire qağa, radikallarğa qarğı qırıs çaralar kürü ğomumän fälästinara suğış çığara ala dip kisätä. Qoralsızlandıru häm taratu urınına Abbas andıy qorallı törkemnärne äkrenläp fälästin xakimiateneñ iminlek strukturalarına quşunı östen kürä. Mäxmüt Abbas sişämbedä premyer Şaron belän oçraşırğa cıyına, bu alarnıñ uzğan fivraldä Mısırda solıx iğlan itülärennän soñ berençe oçraşuı bulaçaq. Şul söyläşülärdä Abbas İzrail premyer-ministrınnan Gaza çiklären açunı taläp itärgä teli. Quşma Ştatlarnıñ däwlät sekretare Rice ul arada Yaqın Könçığış säfären däwam itep Ürdün, Mısır häm Söğüd Ğäräbstanında bulaçaq.
Kärim Kamal
Audio, Condoleezza Rice
"İzrail häm fälästin üzidaräse Gazadağı yähüd utarçıları yortların cimerergä buldı, şulay itep alar bergäläşep yortlarnı sütü häm çistartu plannarın eşlärgä tieş bulaçaq. Alarğa bu eştä Quşma Ştatlarnıñ maxsus wäkile Wolfensohn bulışaçaq. Fälästin xakimiate xäzer andağı cirlärne, Gaza keşeläreneñ iqtisadi ixtiaclarına turı kiterep faydalanu planın äzerli" di amerikan däwlät sekretare Rice. Yähud utarlarındağı yortlarnı cimerüne fälästin yağı taläp itkän ide. İzrailneñ Gaza sızığında 21 utarı bar, andağı yähüdlär awgust urtalarınnan başlap kire İzrailgä küçerelgännän soñ fälästin üzidaräse utarlar urınında, ğailä äğzaları kübräk bulğan fälästinlelär öçen küpqatlı yortlar qorırğa cıyına. İzrail matbuğatında kürengän mäğlümatqa qarağanda, cimerü çüp-çarı Gazanıñ üzendä diñgez portın tözü eşendä faydalanılaçaq. Condoleezza Rice şuşı kileşülärne İzrail häm fälästinlelär öçen ifrat ta möhim ber qazanış dip sanıy:
Audio, Condoleezza Rice
"Bez ber mizgelgä genä artqa çigenep bu kileşülärneñ İzrail premyer-ministrı häm anıñ xökümäte, bar İzrail xalqı öçen qıyu wä awır ber adım bulıp toruın, ikençe yaqtan fälästin keşeläre öçen dä monıñ, demokratik, bäysez, tormışçan fälästin däwläten qoru şartlarına yul açaçaq möhim ber adım buluın tanırğa tieşbez" di amerikan däwlät sekretare. Läkin İzrail premyer-ministrı Ariel Şaron yäkşämbedä yänä ber märtäbä üzeneñ elekke fikeren qabatladı - fälästin üzidaräse Könbatış Yar häm Gaza sızığındağı radikal'' törkemnärne qoralsızlandırmıy häm taratmıy torıp, bäysez fälästin däwläten qru yünäleşendä bernindi dä täräqqiat bulmayaçaq. Fälästin citäkçese Mäxmüt Abbas İzrail xökümäteneñ şuşı qatği şartın kire qağa, radikallarğa qarğı qırıs çaralar kürü ğomumän fälästinara suğış çığara ala dip kisätä. Qoralsızlandıru häm taratu urınına Abbas andıy qorallı törkemnärne äkrenläp fälästin xakimiateneñ iminlek strukturalarına quşunı östen kürä. Mäxmüt Abbas sişämbedä premyer Şaron belän oçraşırğa cıyına, bu alarnıñ uzğan fivraldä Mısırda solıx iğlan itülärennän soñ berençe oçraşuı bulaçaq. Şul söyläşülärdä Abbas İzrail premyer-ministrınnan Gaza çiklären açunı taläp itärgä teli. Quşma Ştatlarnıñ däwlät sekretare Rice ul arada Yaqın Könçığış säfären däwam itep Ürdün, Mısır häm Söğüd Ğäräbstanında bulaçaq.
Kärim Kamal