Accessibility links

шимбә, 3 декабрь 2016, Казан вакыты 07:47

AQŞ häm İran ilbaşları Tährannıñ atom programması turında kübräk söyläşülärne yaqlıy


Tehrannnıñ öleşçä atom töş eşçänlegen yañartu uñayınnan AQŞ häm İran prezidentları kisken belderülär yasadı. Ämma İrannıñ ilbaşı Mäxmüd Axmädinejad ber yk waqıtta yevropalılar belän söyläşülärgä däwam itü telägen dä beldergän. AQŞ prezidentı G.Bush bu kündermäne xuplap qarşı alğan. İke ilbaşı şundıy kündermälär cibärgändä Venada Xalıqara Atom Agentlığı İrannıñ İsfahan qorılmasında urannı eşkärtü başlauına qarata nindi cawap qaytarırğa digän mäsälädä aşığıç söyläşülärgä cıyıldı

AQŞ prezidentı G.Bush İrannıñ atom ambitsiälärenä şiklänep qarauın häm anıñ äle dä BMO sanksiä-çikläwlärenä duçar bula alaçağın äytte.Bush Texastağı yal yortında jurnalistlarğa söyläşülärne alıp barğan Fransiä, Britaniä häm Germaniäneñ, İrannıñ atom aktivlıqların xökem itep çığuları mine qıyulandırdı digän.Ämma Bush İrannıñ yaña citäkçeseneñ söyläşülärgä däwam itü teläge häm yaña ideaları buluın da äytkän

Bush(audio)

ägär dä ul şulay äytkän ikän bu uñay işarä , İranlılarnıñ atom programması turında AQŞ qına borçılmıy, yevropalılar da İrannnan açıqlaw häm söyläşülär taläp itüdä bik ciddi

İran düşämbedä İsfahan qorılmasında urannı gazğa äyländerä başladı. Bu protsessnıñ başlanğıçı ğına, bayıtu qamilleräk bulsa atom yağulığı yäki qoral eşläp çığarıp bula ,.Axmedinejat sişämbedä İran urannı eşkärtä başlau belän qanunsız ber närsä dä eşlämäde dide. Ul ayruça Yevropa Berlegeneñ Tehrannıñ atom aktivlıqların tuqtatuuına cawap itep täqdim itkän yardäme ''kimsetüçe'' dip belderde İlbaşı Axmedinejad kabinetın oyıştırğannan soñ krizisnı çişü öçen yaña idealar alğa söräçägen belderde.İrannıñ Xalıqara Atom Agentlığındağı baş süzçese Sirus Nasseri Venada jurnalistlarğa İrannıñ ğämällären añlatırğa tırıştı.

Nasseri(audio)

İsfahandağı aktivlıq partnörlarıbıznı qurqutu yäki provakatsiä mäqsatın quymıy. Bu adım Yevropalılarnıñ bezneñ belän kileşü teläge häm mäqsatlarına qarata ömetsezlek häm qänäğätsezlekne kürsätü ide

İrannnıñ Yevropa Berlege täqdimen kire qağuına qarata AQŞ Däwlät Departamentı süzçese Adam Ereli Washington İrannıñ atom aktivlığın tuqtatıp şuşı täqdim nigezendä söyläşülär alıp baruın teli dide. Xalıqara Atom Agentlığı sişämbe könne İrannıñ uran bayıta başlauı turında aşığıç sessiägä cıyıldı. Agentlıqnıñ eleke räsmie Bruno Pellaud Radiobıznıñ Farsı bülege- radio Fardağa, Fransiä häm Germaniägä quşılıp Rusiä dä İrannı bayıtu aktivlıqların tuqtatırğa çaqıra ämma qayber illär rezolutsiädä andıy terminologieneñ qullanuına qarşı dide

Pellaud(audio)

Ğomumän alğanda atom Agentlığındağı bloklarğa quşılmağan illär İrannıñ legtim aktivlığı öçen xökem itelüenä qarşı.Maleziä wäkilçelegeneñ bu turıda belderüe buluın beläm.

Xalıqara Atom Agentlığı çärşämbedä yañadan oçraşırğa tieş bulsa da , diplomatlarnıñ räsmi cıyılıştan elek üz ara söyläşülärenä kübräk waqıt birü öçen oçraşu atnakiçkä küçerelde. Däwlät Departamantı süzçese Adam Ereli

Ereli(audio)

Bez, yevropalılar, atom Agentlığınıñ başqa äzğa illäre belän bergäläp eşläp xalıqara cämäğätçelekneñ borçıluın çağıldırğan cawap birergä telibez bez alarğa urannı bayıtunı tuqtatunıñ ähämiäte häm Agentlıq belän tulı xezmätäşlekneñ genä näticägä alıp baru şansı buluı turında köçle kündermä cibäräbez

İran Atom Agentlığı citäkçeseneñ urınbasarı Möxämmäd Säyedi Xalıqara Atom Agentlığı İsfahan qorılmasında küzätü kameraları urnaştırıluı tämamlanğan öçen xäzer andağı möherlärne alu röxsäte birde dide.Bu inde qorılmada tulı eşçänlek başlana digän süz bulıp tora färidä xömit
XS
SM
MD
LG