Accessibility links

пәнҗешәмбе, 8 декабрь 2016, Казан вакыты 15:09

Beslan Analarınıñ mäxkämä zalındağı protestı näticäsez bulıp çıqtı


Beslandağı mäktäp fäciğäsenä ber yıl tula. Mäktäpne basıp alu näticäsendä hälak bulğan balalarnıñ ata-anaları äle dä monıñ belän kileşä, qayğıların onıta almıylar. Ber ük vaqıtta xakimiätlärgä qarataaçu da arta. 23-nçe avgustta Beslan anaları, bu vaqiğädän isän qalğan berdän ber totıq aluçı östennän xökem protsesı ütkärelgän Vladikafkazdağı mäxkämä binasında 28 säğätkä suzılğan protest ütkärdelär. Alar ölkän citäkçelär, şul sanda Rusiä prezidentı Putin dä qanqoyu öçen cavap birergä tieşlär dip taläp itälär. Läkin, alarnıñ taläbenä qolaq saluçı yuq kebek.

Audio

Bu Beslan faciğäsendä qatnaşqan isän qalğan berdän ber totıq aluçı Nurpaşi Kulaev östennän xökem protsesın küzätep barğan xatınnarnıñ tauışı ide. Kulaev östennän xökem protsesı Vladikafkazda inde yazın uq başlanğan ide. Läkin Sişämbedä kötelmägän vaqiğä buldı. Balaların Bäslanda yuğaltqan analarnıñ yaqınça ber distäse tıñlaulardan soñ mäxkämä zalınnan çığıp kitüne kire qaqtı. Qızın Beslanda yuğaltqan Marina Pak protest dävam itkändä mäxkämä zalınnan telefon aşa radiobız xäbärçesenä bolay dide. Texnik sıyfat tüben.

Audio

"Bezneñ tikşerülärdän küñelebez qayttı. Obyektiv tikşerülär taläp itäbez. Räsmilär berberläre öçen cavaplı bulırğa tieşlär. Ber kem de başqasınnıñ artında yäşerenmäskä tieş."

Ul süzlärneä östäp Ülüçelär öçen cavaplılar arasında Rusiä prezidentı Vladimer Putin dä bar dip belderde.

Audio

Bu xatınnar Beslan anaları isemle törkem ağzaları. Alar räsmilärne höcümçelärgä Beslandağı mäktäpne basıp alularına yul quyuda häm monı tuqtatqanda qanqoyunı tuqtata almauda ğäyepläp kilälär. Şuşı fäciğä vaqıtında qorban bulğan 331 keşeneñ yartısı balalar. Analarnıñ berse Rita Sidakova mäxkämä bizası aldında ütkärelgän protestlarda qatnaştı Ul Royter agentlığı xäbärçesenä Rusiä prokurorları totıq alu föciğäse turında çınabrılqnı açıqlamadılar dip belderde.

Audio

"İnde yaqınça ber yıldan birle balalarıbız yanıbızda yuq. Alar ziärättä yatalar. Bu iblislek öçen ber genä keşe dä cazalandırılmadı."

Mäxkämä zalınnan çığarğa telämävçelär, Rusiä baş prokurorınıñ Tönyaq Kafkaz öçen cavaplı urınbasarı Nikolay Şepel üzläreneñ şikayätlären şäxsän tıñlamıyça torıp, annan çığıp kitmiäçäklärne belderdelär. Dävlät prokurorlarınıñ reaksiäse kiçekmäde. Alar bu illegal xäräkät häm xakimnärgä basım yasau çarası bulıp tora digän belderü belän çıqtılar. BU protest Çeşal belän Beslan anaları arasında köç sınaşuğa äylände. 28 säğät ütkännän soñ, Beslan anları ber närsägä dä ireşä almıyça, xäldän tayğan köyençä öylärenä taraldılar. Beslan Anaları komitetı başlığı Suzanna Dudieva mäxkämä zalınan çıqqannan soñ, radiobız xäbärçesenä protest äle tuqtalmadı häm başqa formada dävam itäçäk häm Analar Şepel belän oçraşırğa inde telämilär dip belderde.

Audio

"Şepel bezne Prokuraturada qabul itärgä teläven äytte. 24 säğättän artıq anı kötkän xatınnar belän monda kilep bezneñ belän küreçergä telämäde. Bez anı köttek häm xäzer bez anıñ belän küreşergä telämibez."

Beslan Anaları Kulaev protsesın fäciğä öçen başqa cavaplılar belän bergä quşıp alıp barunı da taläp itälär. Beslan qorbannarınıñ advokatı Taymuraz Çeyemev Beslan mäsäläsen ayırım protseslarğa bülü qanunnı bozu bulıp tora digän fikerdä

Audio

"Baştağı tikşerülärne alıp baruçılar mäsäläne terror aktı häm başqalar dip ayırdılar. Beznenñ fikerebezcä, bu nigesez häm mäğnäsez. Mäsäläne bülgäläv legal tügel."

Ber yıl elek 1-nçe sinttäberdä qorallı keçeğlär Beslanda ber mäktäpne basıp alıp meñnän artıq keşene totıq itep aldılar. Dönyanı der kitergän öç kön dävam itkän totıq aludan soñ, Rusiä köçläre belän totıq aluçılar arasındağı bäreleşlärdä 300-dän artıq keşe , yartısı balalar hälak buldı.

Färit İdelle, Praga.
XS
SM
MD
LG