Accessibility links

җомга, 9 декабрь 2016, Казан вакыты 10:47

Bush 16 Sintäberne matäm köne iğlan itte


AQŞ prezidentı G.Bush 16 sintäberne Katrina tufanı qorbannarın iskä alu, ğıybadät qılu köne itep bilgeläde.12 kön elek Amerikanıñ könyaq yarların xäräbägä äyländärgän dawılda küp keşe häläk buldı, küpme maddi,mäğnäwi zian buldı äle dä xisaplanıp betmäde .New Orleansqa 25meñ meyet qapçığı cibärelgän . Mer üze 10meñläp keşe ülde dip äytte.

G.Bush atnakiçtä in yaxşı eşli alğan eşe yäğni keşelärneñ xis qayğıların urtaqlaşu belän şägellände .Ul Katrina afäte qorbannarına bu qıyın waqıtta bez sezneñ belän dip äytte

G.Bush(audio)

Bezneñ mäqsat aqça birü genä tügel ä anı qulay häm tizlektä birü.Yöz mäñnärçä watandaşıbıznıñ öyen yuğaltuına cawap birü däwlätebezgä küp kenä taläplär quya, alda bigräk tä häläk buluçılarnı çığarğanda qıyın könnär kötä.

İlbaşı xalıqnıñ ışanıçın qazanu öçen küp närsä eşlärgä tieş.CBS News-neñ ütkärgän fiker beleşüdä amerikannnarnıñ 58% prezidentnıñ krizisqa kürsätkän mönäsäbätne raslamağan. 32% qına ul wazğiätne kontrol itü sälätenä iä digän. Prezident öysez yortsız qalğan här ğailägä 2meñ dollar şunduq aqça birergä häm çittän kilgän yardämneñ tizlektä urınına barıp citüen qulaştırğan çaralar kürergä wäğdä itte. Ul 16 sintäberne matäm häm ğıybadät köne dip iğlan itte. Prezident amerikannar här waqıt ğıybadät qıla , bez yaqtı kiläçäkkä ışanabız , moxtaç bulğan tuğannarıbızğa señellärebezgä yaxşıraq yardäm itü öçen Alladan köç sorıybız dip söyläde. G.Bush äle barlıq tözekländerü häm yardäm eşlären tulısınça kontrol itüen kürsätergä tieş.Şunın öçen ul vitse-prezident D.Cheneyne New Orleansqa cibärde . Anıñ eşe federal xakimiätlär çınlap ta här närsäne kontrol itä dip kürsätü

Cheney(audio)

Prezident mine kiräkle härtörle eşne eşlärgä cibärde annan bez nigezle tözekländerü öçen ozın möddätle eşlärgä başlayaçaqbız

Ämma New Orleans häm Qultıqtan yaxşı xabärlär kilä başlağançı başta naçar küñelsezläre kiläçäk Sälämätlek saqlaw räsmiläre mäyetlär yatqan , törle ximik maddälär belän pıçranğan sularda koli häm başqa bakteriälär tulğan dip xalıqnı kisätä.Evakuatsiä kürsätmäsenä qaramastan New Orleans politsiä başlığı Eddie Compass xalıqnı küçergängändä minimum köç qullanıla dide.

Compass(audio)

Bez barlıq köçebezne kitergä telägän keşelärne küçerü eşenä birdek.Bu eş betkännän , kitergä telägän här keşe çığıp kitkännän soñ bez qalğannarnı köç qullanıp çığaraçaqbız. Politsiä öydän öygä yörep kitergä telämäwçelärne çığaraçaq .

Politsiä häm Däwlät Gvardiäse belderüenä qarağanda evakuatsiägä qarşılıq kürsätü az. General mayor

Don Mason (audio)

Küpçelek keşe kitergä teli, bigräk tä alar wazğiätneñ yamanlığın häm şähärdäge sunıñ pıçraqlığın kürep kitä.Alar şähärdäge sunı suırtu bik ozaq waqıt däwam itäçägen añlıy

Ämma politsiä häm xärbilär qarşılq kürsätüçelärne köç qullanıp ta öylärennän çığara . Ber kem dä New Orlenasqa tizlektä qayta almayaçaq. Äle şähärneñ 148su qudırğıçınıñ 37 genä eşli .Armiä injinerları 80könnän soñ ğına sular suırtılaçaq digän faraz belderä Şunnan soñ ğına şähärne çıstaru başlanaçaq. färidä xämit
XS
SM
MD
LG