Accessibility links

якшәмбе, 11 декабрь 2016, Казан вакыты 11:02

AQŞ: iminlek kiñäşçese Ğıraqtağı maqsatlarnı berdäm yaqlarğa çaqıra


Prezident Bush administratsiäse Ğıraqta ciñügä ireşü mäqsatında amerikannnarnıñ yaqlawın qazanu öçen bu arada tırışlıq alıp bara. 30.noyäberdän başlap Bush häm anıñ ölkän yardämçeläre çığışlar yasıy, mätbuğat oçraşuları ütkärä.Şuşı oçraşularda alar 2006 häm annan sonğı waqıt öçen prezidentnıñ programmasın saqlıq belän añlatırğa tırışa.Sonğı çığışnı Aqyortnıñ iminlek mäsälälärendäge kiñäşese Stephen Hadley yasadı. Anıñ Washingtondağı notığın bezneñ xabärçebez dä tıñladı. Hadley çığışında ällä ni yañalıq bulmasa da ul Bushnıñ Ğıraqtağı tırışlıqları öçen amerikannnarnıñ yaqlawınınıñ ähämiätenä nıq basım yasadı.

Prezident Bushnıñ iminlek mäsäläläsendäge kiñäşçese Stephen Hadley Strategik häm Xalıqara Tikşerülär Üzägendä yasağan çığışında barlıq amerikannarnıñ Bushnıñ Ğıraqta ciñü planı artında berläşüläre öçen waqıt citkän dide . Ul AQŞnıñ Ğıraq mäsäläsendä nıq bülengän buluın iqrar itep amerikan xärbilären qaytaru öçen waqıt bilgeläwne taläp itüçelärgä tuqtaldı häm beräw dä Bushtan kübräk alarnı qaytarırğa telämi, Ğıraqta demokratiä, iminlek urnaşuın barlıq amerikannar teli dip äytte.. Hadley Ğıraq eçke ğıysyannan ğına tügel ä bigräk tä tışqı AQŞ häm xalıqara cämäğätçelekneñ borçıluına säbäp bulğan kürşe İran täsirennän çittä totılırğa tieş dip söyläde. Hadley süzlärenä qarağanda İran qoralları Ğıraqta tabılğan, Tehran yaqın könçığışta terrornı yaqlıy, ul atom qoralı täräqi itergä tırışa häm üz xalqı öçen demokratik saylawnı çikli.Şuña qaramastan di Hadley ğıraqlılar İran belän üzençälekle mönäsäbätlär urnaştırırğa tırışa. Ğıraqtağı küp kenä şığılar Tehran Ğıraqnıñ eçke eşläränä tıqşınmasqa tieş digän qaraşta.Hadley:

Bez söyläşkän ğıraqlı şığılar bezgä berençe märtäbä xökümät eşlärenä qatnaşabız häm İran qulı astında eşlärgä telämibez dip bik açıq itep äyttelär

Hadley ütkän atnadağı Bush çığışına iqtibar cälep itte. Prezident Ğıraqta ciñü öçen 3 närsä kiräk digän ide. Bärep töşerelgän prezident Säddämne yaqlawçılar häm ğıysyançılar Ğıraqnıñ yaña demokratiäsen yañamasalar berençesenä ireşelgän bulaçaq. Ğıraqnıñ xalıqara terrorçılar öçen sıyınu urını buluın tuqtatu mäqsatında cirle iminlek köçläre citeşterelsä ikençe wä öçence elementqa ireşeläçäk dip äytte Hadley. Ciñü öçen töp element Bush ta moñı berençe bulıp telgä aldı-Ğıraqta demokratiäne nığıtu dide Hadley.

Berençe säbäp Bush qaraşınça ğıraqlılarğa demokratiä urnaştırırğa yardäm itü qalğannarnı qıyulandıraçaq . prezident häm administratsiä Ğıraqtağı xärbi aksiädän elek , ilne irekländerü häm barlıq ğıraq maxalläläre qatnaşqan berdäm demokratik däwlät buldıruda bulışlıq kürsätü mäqsatı quyılğanın bik açıq belä ide dip söyläde Aqyort räsmie Hadley.

Prezidentnıñ iminlek mäsäläsendäge kiñäşçese amerikannarnıñ kübräk yaqlawı häm xalıqara cämäğätçelek bigräktä yaqın könçığış illäreneñ xezmätäşlege belän ğıraqlılar diktator Säddämsez demokratik ildä yäşäwneñ tämen alabaşlayaçaq dip söyläde ilbaşınıñ iminlek mäsälsäendäge kiñäşçese Hadley Waşingtondağı çığışında färidä xämit
XS
SM
MD
LG