İranda başqala Tähran häm başqa şähärlärdä protest çaralarına qatnaşqan 60 studentqa qarşı soñgı atnalarda disiplin cäzası kertelde. Läkin uquçılarnı bu cäzalar qurqıtmıy, alar demokratiä öçen protest çaraların däwam itteräçäklären belderä.
Hamadan universitetında möselman uquçılar berlege başlığı, Ämin-i Nazari radiobızğa, protest çaralarında qatnaşqan 4 uquçınıñ universitettan çığarıluın, qalğan 6-sına isä räsmi kisätülär buluı turında belderde.
Nazari, xökümät säyäsäten tänqitlägän uquçılarnı – xaqimiät awızlıqlarğa tırışa di.
“Mart ayındağı parlament saylawları yaqınayğanda, xaqimiät üzlärenä tänqit beldergän törkemnärne awızlıqlarğa tırışa.”
Disiplin cäzasına eläkkän 20 uquçı, Tährandağı mäxsus ber törmä bülegendä totıla. Bu bülek İran küzläw ministrılğı qaramağında. Uquçılar berkem belän küreşergä röxsät itelmi. Räsmilär uquçılarnıñ ğailälärenä, alarnıñ däwlät iminlegenä ziyan kiterülären äytgän. Uquçılarnıñ ğailä häm tuğannarı alarnıñ qulğa alınuına protest belderä. İlneñ yuğarı türälärenä xättä BMOnıñ Tährandağı ilçelegenä barğan ğailälär, alarnın azat itelüen soragannar.
Xoquqçılar tarafınnan wäğdä itelsä dä, ğailälär – qulğa alınğan balaları belän küreşterelmi.
Älege uquçılarnıñ töp ğayebe isä, dekabr ayında Tähran universitetında universitet könen belgelägändä, “İreklek häm tigezlek” digän şiğarlär äytü ide. Şul könne qabınğan protest çaralarına tizdän İrannıñ başqa şähärlärendäge möselman mäktäpläre uquçıları da quşıldı. Läkin qaysıber wilayätlärdä qulğa alınğan uquçılar, sonınnañ irekkä çığarılgan.
Protestçılar, prezident Äxmädinäcat xaqimiätenen universitetlarda qarşılıq tawışların bastıruına tänqit belderä. Alar şul uq waqıtta xaqimiätne, säyäsi irelkekne häm süz irekelegenqısmasqa çaqıra.
Möselman uquçılar oyışması başlığı Ämin-i Naziri, xaqimiät basımına qaramastan aktivistlarnın çaralarnı däwam itteräçägen belderde.
“Disiplin şurasın yäisä törmä cäzası berkemneñ dä küzen qurqıtmiy inde. Ällä bu disiplin cäzasınnañ soñ, universitetlar tınıçlandı dip uylıysızmı? Çıñlıqta kiresençä. Universitettägelär üz fikerlären belderä başladılär. Xättä minem iptäşlärem äytälär: bezneñ sabaqtaşlarıbız qulğa alınuına bez tawışsız qalmıyaçaqbız.”
Iranlı ber jurnalist, studentlarnıñ protest xäräqätenä qarşı xalıqnıñ yaqlawı arta - çönki alarnıñ sorağanı, İran xalqınıñ täläben çağıldıra di.