Accessibility links

якшәмбе, 4 декабрь 2016, Казан вакыты 02:58

Kosovo premyerı Haşim Taçi bäysezlekne iğlan itügä sanawlı könnär genä qaldı dip belderde. Läkin Yewropa räsmiläre Kosovodan bäysezlek iğlan itüne beraz kiçekterergä sorıy. Serbiada kiläse ay prezident saylawları tämamlana. Yewropa Berlege isä saylaw aldınnan Belgradnın üzenän çiklänüen teläme.


Kosovo premyerı Haşim Taçi kiçä Brüsseldä Yewropa Berlege wäkile belän oçraşudan soñ, xäbärçelärgä bolay dip äytte:

“Kosovo inde bügennän uq bäysezlek iğlan itärgä äzer. Äye monın üz tärtebe bar, bez bu ixtiyaçlarğa häm kiñäşü kiräklege mäsäläsenä ixtiram kürsätäbez. Läkin Kosovo äzerlekle, fiker berdämlege dä bar häm tarixnı ğına kütäbez. Tizdän Priştinada bäysezlek iğlan itäçäkbez.”

Kiçä Brüsseldä Taçi Yewropanıñ tışqı eşlär häm iminlek ölkäsendäge yuğarı wäkile Javier Solana belän bäysezlek mäsäläse xaqında söyläşte. İke räsmi arasında nindi söyläşülär buluı turında ber ni açıqlanmadı. Brüsseldäge xäbärçebez Ahto Lobjakas aradağı söyläşülär yäşeren töstä ütüe turında xäbär itte.

“Yewropanı borçığan närsä, Kosovanıñ bäysezlegen qayçan iğlan itüe mäsäläse. Çönki tege yaqtan 3 fevraldä Serbiädä bulaçaq prezident saylawları mäsäläse aktual. Häm ul bik çiterekle mäsälä”

Lobjakas, Serbia belän kiyerenkelek artmasın öçen Yewropa Berlege Kosovo räsmiläre belän söyläşülärne däwam itterergä teli di.


Bu atna bulğan prezident saylawlarının 1 turında, Serbia Radikal partiäse namzäte Tomislav Nikolic tawışlarnıñ yaqınça 40 protsentın aldı. Anıñ köndäşe, Yewropağa yaqınlığı belän tanılğan Boris Tadic isä tawışlarnıñ 35 % ğına aldı.

1990 yılğı Balkan suğışı waqıtında suğış cinäyätçelegennäñ ğayeplängän Serbia Radikal partiäsenenñ mäğnäwi citäkçese Vojislav Seseljneñ Hagueta mäxkämä eşe däwam itü säbäble, xäzer Serbiä radikal partiäsenä Nikolic citäkçelek itä. Häm ul 1. turda tawışlarnın 40 % üzenä cälep itte. Läkin bu Yewropanı borçuğa sala.

Yewropa Berlege wäkile Solana, Serbia saylawlarında Yewroğa yaqın bulğan namzätneñ ciñep çığuın ömet itüen qabatlap kilä. Ämmä şuña qaramastan soñgı waqiyğalar, waqıyğalar digännän barı tik prezident saylawlarına qağılışlı tügel, başqa säbäblär arqasında da Serbianın könçığışqa borıluı ixtimali tağın da arta dip farazlanıla.

Bügen Belgradnın yaqın dusı Mäskäw, Serbiä belän zur energiä kileşüenä qul quyğanda, bäyläneşlärne nığıtu telägen tağın ber qat täqrarladı.

Serbia belän Rusiä arasında bulğan säyäsi bäyläneşlär arta barğanda, Serbiädä xaqimiättäge häm oppozisiädä partiälär ike tarafta Kosovonın bäysezlegenä qarşı çığa. Mäskäw Belgradnın Kosovonı autonom bularaq qaldıru qararın yaqlıy.

Älsä Kosovo qaçan bäysezlegen iğlan itär? digän sorawğa Brusseldäge xäbärçebez; Yewropa Berlege citäkçeläre monı 3 fevraldän alda buldırmas. Yäğni tarix mart axırına taba dip farazlana dip cäwap birä.

Sonğı tarix inde Brüsselnen 2 meñlägän tärtep saqlaw kiñäşçesen Kosovo qayçan cibärüenä bäyle. Bu missiä köçläre Kosovoğa bäysez bularaq üz üzen idarä itü mömkinçelege biräçäk
XS
SM
MD
LG