Казандагы Мәүлид кичәсен дөньяда күрделәр

Илсөя Бәдретдинова "Карт бүре" исемле яңа җырын тәкъдим итте

Казанда һөнәрчеләрнең күргәзмәсе башланды. Ул язучылар берлегенең күргәзмәләр залында 20 көн дәвам итәчәк. Монда каюлы читекләр, чулпы-алкалар, йомшак башмаклар, талчыбык кәрзиннәр һәм халык сәнәгатенең  башка эшләнмәләре белән танышырга, сатып та алырга мөмкин. Теләгәннәр осталар мәктәбенә дә языла ала.

Татарстан фольклор музыкасы дәүләт ансамбленең “Көй эзләү” концертыннан өзек (2007 ел)

Австралия татарлары үзләренең яңа ватандагы 60 еллык тормышын бәйрәм итә - бу атнада Көньяк Австралия штаты башкаласы Аделаидада шушы вакыйга уңаеннан рәсми тантаналар узды. Анда татар мәхәлләсе әгъзаларыннан тыш җирле хөкүмәт әһелләре дә катнашты. Чыгышлардан кызыклы фактлар да ачыкланды.

Төрки дөньяда урыс булып яшәү авырмы? Азатлык радиосының төркмән хезмәте Ашгабаттагы урыс мәктәпләренең хәлен өйрәнде.

Снежана Митина – мөмкинлекләре чикләнгән бала анасы. Улы Павлик шикелле тумыштан гарип балаларны туганда ук үтерергә чакырган мәкаләне күргәч аның җен ачуы чыккан.

Монголиянең Мәскәү канаты астыннан чыгып бәйсезлек игълан иткәненә 20 ел булды. Шул вакыттан бирле Азиянең бу илендә совет чорында бастырылып килгән мирасны кайтару тырышлыгы күрелә. Буддизм чәчәк ата, сәхнәдән милли көйләр яңгырый. Барыннан бигрәк, дөньяның иң мәшһүр монголы Чыңгыз хан иленә кайта.

Алексеевск районы Биләр юлында урнашкан. ГТРК “Татарстан” телеканалы февраль башында шул төбәктә “Туган як” тапшыруын төшереп кайтты. Алар белән “Азатлык” хәбәрчесе дә сәяхәт кылды.

Татарстанда сәләтле балалар һәм яшьләрне барлау, туплау һәм үстерү үрнәге булган “Сәләт” оешмасына 15 яшь тулды. Шушы вакыт эчендә "Сәләт"тә меңләрчә шәхес тәрбияләнгән.

Русия кинотеатрларында “Кандагар” фильмы күрсәтелә башлады. Татарстанлылар бу вакыйганы түземсезлек белән көтте. Бу фильмда урыслар дип тасвирланган очучыларның 1995 елда Әфганстан җирендә башкарган батырлыклары сурәтләнә.