Пакстанда интихарчы 8 кешене үтерде
25.02.2008
Пакстанның Равалпинди шәһәрендә интихарчы бомба шартлатып армия генералын һәм тагын кимендә 7 кешене үтерде.
Хәрбиләр әйтүенчә, интихарчы генерал утырган машина янында бомба шартлаткан.
Генерал, аның тән сакчысы, машина йөртүче һәм тагын 5 цивиль һәлак булды, 25 кеше яраланды.
Бу узган атнада Пакстанда үткән парламент сайлавыннан соң илдә булган беренче интихарчы һөҗүме. Ул сайлауда президент Пәрвәз Мөшәррәфкә көндәш оппозицион фиркаләр җиңде.