киләсе тапшыру
шимбә тапшыруы (кабатлау)
22:00 - 23:00
 
тавыш бирү
... ... ...
 








 
 
 
башка телләр
 
 
партнерлар



 
 

татар дөньясы

Mäskäw Dini İdaräsendä kürgäzmä açıldı

20.10.2006
Ramazan ayına bağışlanıp açılğan fotokürgäzmäne açqanda, Rusiä Möftilär şurası räise urınbasarı Damir Gizzatullin Ramazannıñ 30 könenä utız fotoräsem dide.

18 üktäberdä Mäskäwneñ Cämig mäçete idarä binasında Mäskäw Humantar universitet studentı Täwfiq Xisamovnıñ “İslam – üze tormış” dip atalğan fotokürgäzmäse açıldı. Anda Täwfiqnıñ Mısırda bulğan waqıtta töşerelgän mäçetlärneñ fotoräsemnäre quyılğan ide.

Kürgäzmägä dini idarädän zur iğtibar bulıp, anda Rawil xäzrät Ğäynetdin dä, İslam universitetı rektorı Marat Mortazin da qatnaştı. Kürgäzmä açılışı waqıtında Rawil xäzrät Täwfiqqa unışlar teläp, mäçetneñ yaña bina kompleksı tözelgännän soñ, mondıy kürgäzmälär öçen maxsus zal da bulaçaq, bez äle Rusiädä mäçetläre älbomın da çığarırğa uylıybız, ul älbomda urnaşaçaq fotoräsemnär kiläçäktä kürgäzmä zalında urın alaçaq, dide.

Kürgäzmägä xalıq ta baytaq qına kilgän ide. Ul kürgäzmäneñ autorı Täwfiq Xisamov Üzbäkstanda tusa da, äbi-babalarınıñ çığışı belän Qasıym şähärennän. Şäreq bülegendä uqımasam da, ul bülektä uquçılarnı Mısırğa tel öyränergä cibärälär ikän digäç, min dä alarğa iärep Mısırğa kildem, dide Täwfiq. Bu minem berençe genä täcribäm tügel. Min Tönyäk Amerikä indeyslarına bağışlanğan tağın ber fotokürgäzmämne min bıyıl yıl başında universitetta kürsätkän idem, dide ul. Anda da mine qızıqsınuım iltte. İndeyeslar da tatarlar kebek qunaqçıl, açıq yözle. Alar da bu globalläşterü zamanında üz asılların, tatar xalqı kebek, saqlap qalırğa tırışalar, dide ul, min äle tatarçanı öyränä genä başladım, şunıñ öçen äñgämädä tatarça söyli almam dip, rusça ğına söyläşte.

Kürgäzmägä Täwfıyqnıñ äti änise dä kilgän idelär. Alar bügenge köndä Üzbäkstanda yäşilär, tuğan yaqlarına qunaqqa qaytqannar. Häm Täwfiqnıñ änise Rawilä xanım Üzbäkstanda tatarlar bik dus, bik kümäk yäşilär. Bez üzebezne tuğan ildän ayırılğan dip sanamıybız, dide.

Näzifä Kärimova, Mäskäw
 
 
текст зурлыгы
авторның башка язмалары
башка язмалар

хезмәтләр: