Törkiädä rusiä turistları kübäygän
22.06.2007
Yawım-töşemsez häm esse könnär eşläp yörüçe ğädäti watandaş öçen awır bulsa da turistlarnıñ yal itüe öçen uñaylıdır möğayın.
Bıyıl ayıruça Rusiädän kilgän turist sanında zur artış bar. Uzğan yıl Törkiägä Rusiä Federatsiäsennän 1 million 800 meñ turist kilgän bulsa, bıyıl bu sannıñ 2 millionğa citüe kötelä. Ayıruça Rusiä turistları yal itü sezonın iyün belän sentâbr aylarınnan üktäbr ayına xätle ozınaytqan. Rusiädän soñ Ukraina, Qazaqstan, Görcestan-Gruziya, Moldova kebek illärdän iñ küp turist kilä.
Törkiä Qunaqxanäçelär Federatsiäse başlığı Ahmet Barut Törkiäneñ bügenge köndä turizmda dönyada 8 nçe zur ilgä äylänüen belderde.
Säğit Xäyri, Änkara