Дөнья татар конгрессы корылтае секциясендә чыгыш ясап язучы, җәмәгать эшлеклесе Айдар Хәлим, конгресс делегатларны бәлеш ашатып, концерт күрсәтеп түгел, ә бәлки уятып, татарны яклау өчен халыкара комитет төзеп озатырга тиеш, диде. Аның фикеренчә, бүген татарга каршы өч төрле глобализм хәрәкәт итә. Берсе – Мәскәүнең империаль глобализмы, икенчесе – халыкара глобализм һәм өченчесе – татарның үзен-үзе ашау глобализмы. Болар арасыннан иң әшәкесе һәм иң зыянлысы – татарның үзен-үзе ашау глобализмы.