Кырымның Карасубазар районында табылган мәетнең кырымтатар Решат Аметов булуы ачыкланган. Бу хакта Кырымтатар мәҗлесе рәисе Рефат Чубаров дүшәмбе матбугат очрашуында хәбәр итте. Өч бала атасы Решат Аметов 3 мартта Акмәчеттә хәбәрсез югалган иде. Аның җәзалау эзләре булган гәүдәсе узган шимбә Земляничное авылында табылган. Мәрхүмнең җеназасы сишәмбе Акмәчеттә уза.