Башкорт дәүләт опера һәм балет театры янында башкорт халкының фонтанын ачу тантанасы үтте. “Җиде кыз” фонтанынан ниһаять су ургылды. Ике метр биеклегендәге бронзадан ясалган скульптура композициясе төрле төсләрдә нурлана. Янәшәдәге экранда билгеле лирик бию күрсәтелә. Күк йөзендә йолдыз булып балкыган сылулар хәзер башкаланың иң күркәм урыннарының берсенә әйләнер дигән ышаныч бар.