Барак Обама Байтулла Мәсхуднең үлемен раслады

Пакстанның көньяк-көнбатышында Төньяк Вазирстан төбәгендә пилотсыз очкычтан Талибан җитәкчеләрнең берсе яшәгән авылга һөҗүм булган дип хәбәр ителә.

Ай башында, шундыйрак һөҗүмдә АКШ һәм Пакстан вәкилләре белдергәнчә, Талибан хәрәкәтенең җитәкчесе Байтулла Мәсхуд үтерелгән.

АКШ президенты Барак Обама кичә беренче тапкыр аның үлеме турындагы мәгълүматны раслады. Ул Мәсхудне Усама бен Ладенның иң якын беректәше дип атады.